ဒီလိုအိတ်တွေကတော့ အိတ်သားပေါ်မှာ နဂိုပါပြီးသားအရုပ်တွေ ပုံတွေနှင့် စာသားတွေပါဝင်တဲ့ရိုးရှင်းတဲ့အိတ်ဒီဇိုင်းဖြစ်ပါတယ်။ ရိုးရှင်းတာကြောင့် လူကြိုက်များသလို ဈေးနှုန်းအရလည်းမများတာကြောင့် အသုံးပြုသူများတဲ့ ဒီဇိုင်းဖြစ်ပါတယ်။
အိတ်ပေါ်မှာ ဆေးတွေနှင့်ပုံဆွဲတာ ဆေးခြယ်တာတွေလုပ်ထားတဲ့ ဒီဇိုင်းတွေကလည်း ရေပန်းစားမှုနံပါတ်တစ်ဖြစ်သလို လူငယ်တွေသဘောကျကြတဲ့ဒီဇိုင်းဖြစ်ပါတယ်။ အနုပညာတစ်ခုလိုမျိုး ထင်မြင်ရတဲ့အပြင် အိတ်တိုင်းဟာမတူညီမှုရှိနေမှာကြောင့် ဒီလိုဒီဇိုင်းတွေကိုလူကြိုက်များပါတယ်။
လက်မှုပညာတစ်ခုဖြစ်တဲ့ ချည်နှင့် အိတ်ပေါ်မှာ ပန်းပွင့်တွေအပြင် တစ်ခြားပုံစံလေးတွေဆွဲထားတာကလည်း လူကြိုက်များတဲ့ ဒီဇိုင်းတစ်မျိုးဖြစ်ပါတယ်။ ဒီလို ဒီဇိုင်းတွေလူကြိုက်များရတဲ့အဓိကအကြောင်းရင်းက လက်မှုပညာပါဝင်တာကြောင့်ဖြစ်ပါတယ်။
ရိုးရိုးချည်သားအိတ်ပေါ်မှာ ချည်နှင့်ဒီလိုပုံဖော်ထားတဲ့အိတ်လေးတွေကလည်း နောက်ပိုင်းမှာပိုပြီးလူကြိုက်များလာပါတယ်။ အိတ်တစ်ခုလုံးကို ထိုးတာမျိုးရှိသလို လိုချင်တဲ့ပုံစံကိုပဲပုံဖော်ပြီးထိုးတာမျိုးလည်းရှိပါတယ်။
ချည်နှင့်ဖန်တီးထားတဲ့ ဒီလိုအိတ်တွေကလည်း နွေရာသီကာလတွေမှာအတော်လေးအသုံးများတဲ့ အိတ်တွေဖြစ်ပါတယ်။ ပုံမှန်အားဖြင့် ဒီလိုအိတ်တွေဟာ တစ်ကယ့်ပစ္စည်းတွေထည့်ဖို့ထက် အလှအနေနှင့်ခရီးသွားရာမှာအသုံးပြုတာပိုပြီးများပါတယ်။
ကြိမ်နှင့်ဖန်တီးထားတဲ့ ဒီ တွေဟာလည်း နောက်ပိုင်းမှာလူငယ်တွေကြားမှာပိုပြီးရေပန်းစားလာတဲ့ အမျိုးအစားဖြစ်ပါတယ်။ ပုံမှန်အားဖြင့် ကြိမ်ပစ္စည်းတွေဟာ လူငယ်ပိုင်းတွေအကြိုက်တွေ့ကြလေ့မရှိပေမဲ့ ဒီလိုကြိမ်အိတ်တွေကိုတော့ Fashion Trend တစ်ခုအနေနှင့်အသုံးများကြပါတယ်။