ထိုင်းနိုင်ငံ ဘန်ဘောမြို့နယ်ရှိ Lertmongkol ဆိုတဲ့ ဖိနပ်စက်ရုံမှာ ယမန်နေ့ စက်တင်ဘာ ၂၀ ရက် မနက်ပိုင်းက မီးလောင်ပေါက်ကွဲမှုဖြစ်ပွားခဲ့တယ်လို့ သိရပါတယ်။
ထိုင်းသတင်းတွေရဲ့ ဖော်ပြချက်မှာ အဆိုပါ ဖိနပ်စက်ရုံမှာ ပေါက်ကွဲသံ ၂ ကြိမ်၊ ၃ ကြိမ်ထက်မနည်း ကြားရပြီး မီးလောင်မှုဖြစ်ပွားခဲ့တာလို့ဆိုပါတယ်။ မီးလောင်ပေါက်ကွဲမှု ဖြစ်ပွားချိန်မှာ စက်ဝန်ထမ်းတွေမရှိသေးတဲ့အချိန်ဖြစ်ပြီး မီးသတ်သမားတွေက ၁ နာရီကျော်ကြာအောင် မီးငြှိမ်းသတ်မှုတွေ လုပ်ဆောင်ခဲ့ရတယ်လို့ သိရပါတယ်။
လက်ရှိမှာတော့ မီးလောင်ပေါက်ကွဲမှု ဘာကြောင့်ဖြစ်တာလဲဆိုတာ မသိရသေးပေမယ့် မြို့နယ်ရဲတပ်ဖွဲ့က စုံစမ်းစစ်ဆေးမှုတွေ လုပ်ဆောင်သွားမယ်လို့ သိရပါတယ်။
သတင်း အရင်းအမြစ်៖ Source - khaosodenglish
Bong I.T