လစ်ဗျားနိုင်ငံ ဒါနာမြို့မှာ ရေလွှမ်းမိုးမှုဖြစ်ပြီး တစ်ပတ်အကြာမှာ သေဆုံးသူဦးရေ မြင့်တက်လာခဲ့သလို အသက်ရှင်ကျန်ရစ်သူတွေကို ကူညီဖို့ အာဏာပိုင်တွေက အရှိန်အဟုန်မြှင့် လုပ်ဆောင်နေပါတယ်။ကယ်ဆယ်ရေးအဖွဲ့တွေက ပြိုကျပျက်စီးနေတဲ့ အဆောက်အအုံတွေနှင့် ရွှံ့နွံများဖုံးလွှမ်းနေတဲ့ စွန့်ပစ်မြေစာပုံများအောက် ပိတ်မိနေနိုင်တဲ့ အသက်ရှင်ကျန်ရစ်သူတွေကို ဆက်လက်ရှာဖွေနေဆဲဖြစ်ပါတယ်။
![https://s9.kh1.co/__image/w=650,h=367,q=100/61/61fe99c4b6168e7ce3c4291c8c03fab507cc5599.jpg](https://s9.kh1.co/__image/w=650,h=367,q=100/61/61fe99c4b6168e7ce3c4291c8c03fab507cc5599.jpg)
ကုလသမဂ္ဂအေဂျင်စီရဲ့ ထုတ်ပြန်ချက်မှာ ဒါနာမြို့တစ်ခုတည်းတင် ရေလွှမ်းမိုးမှုကြောင့် လက်ရှိ အိုးမဲ့အိမ်မဲ့ဖြစ်နေကြသူ လူဦးရေ ၃၀,၀၀၀ ကျော်ရှိနေပြီး ဝမ်းလျှောခြင်း၊ ရေဓာတ်ခန်းခြောက်ခြင်းနှင့် အာဟာရချို့တဲ့အခြေအနေကို ကြုံတွေ့နေရတာကြောင့် သောက်ရေသန့် ၊ အစားအစာ၊ အမိုးအကာနှင့် အခြေခံရိက္ခာများ လိုအပ်နေတယ်လို့ ဆိုပါတယ်။
![https://s9.kh1.co/__image/w=650,h=367,q=100/27/27e1ffb96207a9382f5128112903570ceb1acc9c.jpg](https://s9.kh1.co/__image/w=650,h=367,q=100/27/27e1ffb96207a9382f5128112903570ceb1acc9c.jpg)
လစ်ဗျားအရှေ့ပိုင်း ကျန်းမာရေးဝန်ကြီးရဲ့ အဆိုရ ဒါနာမြို့မှာ သေဆုံးသူဦးရေ ၃,၂၅၂ ဦးရှိတယ်လို့ အတည်ပြုပြောဆိုခဲ့ပြီး လူသားချင်းစာနာမှုဆိုင်ရာ ကုလသမဂ္ဂရုံးက တနင်္ဂနွေနေ့က ဖော်ပြချက်မှာ ဒါနာမြို့တစ်ခုတည်းတင် ပျောက်ဆုံးနေသူ ၁၀,၁၀၀ ရှိသေတာကြောင့် သေဆုံးသူဦးရေဟာ ၁၁,၃၀၀ အထိ မြင့်တက်လာနိုင်ကြောင့် ခန့်မှန်ထားခဲ့ပါတယ်။
![https://s9.kh1.co/__image/w=650,h=367,q=100/8f/8fee203896ece86897ed90ca4b5bcc086a58025a.jpg](https://s9.kh1.co/__image/w=650,h=367,q=100/8f/8fee203896ece86897ed90ca4b5bcc086a58025a.jpg)
![https://s9.kh1.co/__image/w=650,h=367,q=100/00/00c241fb3dab55b6cc77549e87d38b75f18d6764.jpg](https://s9.kh1.co/__image/w=650,h=367,q=100/00/00c241fb3dab55b6cc77549e87d38b75f18d6764.jpg)
လက်ရှိမှာ သဘာဝဘေးအန္တရာယ်ခံစားခဲ့ရတဲ့ လစ်ဗျားနိုင်ငံကို ပြင်သစ်၊ အီရန်၊ မော်လ်တာ၊ ရုရှား၊ တူနီးရှား၊ တူရကီနှင့် အာရပ်စော်ဘွားများ ပြည်ထောင်စုတို့က လိုအပ်တဲ့ ကယ်ရေးပစ္စည်းများနှင့် စားနပ်ရိက္ခာများ ပို့ဆောင်ပေးထားတယ်လို့ သိရပါတယ်။
သတင်း အရင်းအမြစ်៖ Source - CNA