မက္ကဆီကိုလွှတ်တော်မှာ သာမန်မဟုတ်တဲ့ ရုပ်ကြွင်းနှစ်ခုနှစ်ပတ်သက်ပြီး ကြားနာမူပြုလုပ်

မက္ကဆီကိုနိုင်ငံမှာ ပြီးခဲ့တဲ့ အင်္ဂါနေ့ (စက်တင်ဘာ ၁၂ ရက်)က ကျင်းပပြုလုပ်တဲ့ ကွန်ဂရက်လွှတ်တော် ကြားနာမှုမှာ မက္ကဆီကို သတင်းထောက်လည်းဖြစ် UFO ပညာရှင်တစ်ဦးဖြစ်တဲ့ Jamie Maussan က သာမန်မဟုတ်တဲ့ ဂြိုလ်သားလို့ ယူဆရတဲ့ ရုပ်ကြွင်းနှစ်ခုကို ထုတ်ပြခဲပြီး ကြားနာခဲ့ပါတယ်။ 

Jamie Maussan ရဲ့ ကြားနာမှုမှာ အဆိုပါရုပ်ကြွင်းများဟာ လက် ၃ ချောင်းစီပါရှိပြီး အရှည် ၃ ပေနှင့် ၁ လက်မရှိတာကြောင့် ကမ္ဘာပေါ်ရှိ မည်သည်သတ္တဝါတွေနဲ့မှ မတူဘူးလို့ဆိုပါတယ်။ ဒီရုပ်ကြွင်းနှစ်ခုကိုတော့ ၂၀၁၇ ခုနှစ်က ပီရူးနိုင်ငံ ရှေးဟောင်း Nazca Lines အနီးကနေ တူးဖော်တွေ့ရှိခဲ့တာ ဖြစ်ပြီး သက်တမ်းအားဖြင့် နှစ်ပေါင်း ၁၀၀၀ ခန့်ရှိတယ်လို့ ဆိုပါတယ်။ 

ယခင်ကလည်း အလားတူ ရုပ်ကြွင်းတွေကို တွေ့ရှိခဲ့ပေမယ့် စစ်ဆေးကြည့်တဲ့အခါမှာ ကလေးငယ်တွေရဲ့ ရုပ်ကြွင်းများဖြစ်ခဲ့ပါတယ်။ အခုတွေ့ရှိရတဲ့ ရုပ်ကြွင်းတွေကို X-rays၊ 3-D ပြန်လည်ပုံဖော်မှု၊ DNA စစ်ဆေးမှုတွေ ပြုလုပ်ခဲ့ရာမှာ ကမ္ဘာပေါ်ရှိ မည်သည်သတ္တဝါတွေနဲ့မှ မတူညီဘူးလို့ မက္ကဆီကိုရေတပ် ကျန်းမာရေးသိပ္ပံဌာန ညွှန်ကြားရေးမှူး Jose de Jesus က ပြောကြားခဲ့ပါတယ်။ 

သတင်း အရင်းအမြစ်៖ Source - CNA