တနင်္လာနေ့က ဘရာဇီးလ်က ဆွစ်ဇာလန်ကို ၁-၀ ဂိုးဖြင့် အနိုင်ရခဲ့တဲ့ ပွဲစဉ်မှာ နေမာနှင့် ရုပ်ချင်းဆင်တူတဲ့ အမျိုးသားတစ်ဦးကို ပရိသတ်တွေက သူ့ထက်ငါ ဆဲလ်ဖီရိုက်ဖို့ တောင်းဆိုခဲ့ကြပါတယ်။ ဘရာဇီးလ်ပရိသတ်က နေမာဆိုပြီး ဆဲလ်ဖီရိုက်နေကြတဲ့ အဆိုပါ အမျိုးသားရဲ့ ရုပ်ပုံတွေဟာ ဆိုရှယ်မီဒီယာတွေပေါ်မှာ အချိန်ခဏလေးအတွင်းမှာ ရေပန်းစားခဲ့ပါတယ်။
ဘရာဇီးလ်ပရိသတ်တွေ ဆဲလ်ဖီရိုက်ချင်လည်း ရိုက်ချင်စရာပါ။ အဆိုပါ အမျိုးသားဟာ နေမာ နဲ့တူအောင် ပါးသိုင်းမွှေးကအစ သေချာထားထားသလို လည်ပင်းမှာလည်း တက်တူးတွေ ထိုးထားပါသေးတယ်။ ပရိသတ်အချို့ကတော့ သူနဲ့အတူ ဆဲလ်ဖီတွဲရိုက်ပြီး အခြားသူတွေ အထင်ကြီးလေးစားသွားအောင် သူက လက်ဝှေ့ယမ်းပြခဲ့ပါသေးတယ်။ ဒါ့အပြင် သူ့ရဲ့ဘေးမှာလည်း လုံခြုံရေးအစောင့်နှစ်ယောက်က လိုက်ပါပေးခဲ့တာ တွေ့ရပါတယ်။
ဘရာဇီးလ်တိုက်စစ်မှူး နေမာကတော့ ဆားဘီးယားကို အနိုင်ရတဲ့ ပွဲစဉ်မှာ ခြေချင်းဝတ်ဒဏ်ရာရရှိခဲ့တာကြောင့် အနည်းဆုံး ၂ ပွဲဆက်လောက်အနားယူထားရတာလည်း ဖြစ်ပါတယ်။
သတင်း အရင်းအမြစ်៖ Source - si.com