ဒီအခိုက်အတန့်မှာ သစ္စာရှိခွေးတစ်ကောင်က ဘီးတပ်ကုလားထိုင်နဲ့သွားလာနေရတဲ့ ပိုင်ရှင်ကို ဘေးကင်းစွာနဲ့ လမ်းဖြတ်ကူးပေးခဲ့တာဖြစ်ပါတယ်။ ကြာသပတေးနေ့တုန်းက မက္ကဆီကိုနိုင်ငံ၊ Ecatepec ရှိ လမ်းတစ်ဖက်ဆီ တွန်းပို့ခြင်းမပြုမီ မီးရောင်ပြောင်းရန် စောင့်ဆိုင်းနေတဲ့ အိမ်မွေးတိရစ္ဆာန်ကို TikTok ဗီဒီယိုမှာ ပြသခဲ့ပါတယ်။
အဲ့နောက် အခင်ဆုံးသူငယ်ချင်း နှစ်ယောက်ဟာ ရှုပ်ထေွးေနတဲ့ ကားလမ်းဖြတ်ကူးပြီးနောက် ခရီးဆက်ခဲ့ကြပါတယ်။ အဆိုပါဗီဒီယိုဟာ လူမှုမီဒီယာပလပ်ဖောင်းပေါ်မှာ ရေပန်းစားခဲ့ပြီး အသုံးပြုသူများဟာ တိရစ္ဆာန်ရဲ့ သစ္စာစောင့်သိမှုအတွက် ချီးကျူးခဲ့ကြပါတယ်။
လူတစ်ယောက်က " တိရစ္ဆာန်များဟာ ခွဲခြားမဆက်ဆံကြသလို အဝေးကနေ မလှောင်ပြောင်ကြဘူး " လို့ရေးခဲ့ပြီး နောက်တစ်ယောက်က " (သူတို့က) ငါတို့အားလုံး ပေါင်းစည်းထားတာထက် လူသားဆန်တာကို ပြသတတ်ကြတယ်။ " လို့ရေးသားခဲ့ပါတယ်။ ခွေးများဟာ လူသားေတွရဲ့ အကောင်းဆုံးသူငယ်ချင်းဖြစ်လာခြင်းအတွက် မျိုးရိုးဗီဇဆိုင်ရာ သဲလွန်စများကို ပြီးခဲ့တဲ့လက သုတေသီများ ရှာဖွေတွေ့ရှိပြီးနောက် ဒီရုပ်သံ ထွက်ပေါ်လာခြင်းဖြစ်ပါတယ်။
သတင်း အရင်းအမြစ်៖ Metro