Park Shin-hye က သူမရဲ့ နေ့စဉ်ဘ၀ကို ပရိသတ်တွေကို ပြောပြခဲ့ပါတယ်။ မေလ 20 ရက်နေ့ မနက်ပိုင်းမှာတော့ မင်းသမီး Park Shin-hye က "My house's best cutie Choco and my favorite flower" ဆိုတဲ့ စာတန်းနဲ့အတူ သူမရဲ့ Instagram မှာ ဓာတ်ပုံတစ်ပုံကို တင်ခဲ့ပါတယ်။
ဓာတ်ပုံထဲမှာတော့ Park Shin-hye က သူမ ပြုစု ပျိုးထောင်ထားတဲ့ ပန်းလေးနဲ့ ကြောင်လေးကို ဖော်ပြထားပါတယ်။ ဆိုလိုတာကတော့ Park Shin-hye က လက်ရှိ ကိုယ်ဝန်ဆောင်ချိန်မှာ သူမနားမှာရှိတဲ့ ကြောင်လေးနဲ့ ပန်းလေးတွေကို နွေးထွေးတဲ့မေတ္တာနဲ့ ပြုစုနေတာဖြစ်ပြီး သူမရဲ့ ကလေးလေးကိုလည်း အဲ့လိုပြုစုပျိုးထောင်ဖို့ လေ့ကျင့်နေတာပဲ ဖြစ်ပါတယ်။
Park Shin-hye ကတော့ မင်းသား Choi Tae-joon နဲ့ ၄ နှစ်ကြာ တွဲခဲ့ပြီးနောက် ဇန်နဝါရီ ၂၂ ရက်နေ့မှာ လက်ထပ်ခဲ့တာပဲ ဖြစ်ပါတယ်။ Park Shin-hye က “ကျွန်မတို့ ချိန်းတွေ့နေတာကြာပြီဖြစ်တဲ့ သူနဲ့ လက်ထပ်တော့မှာပါ။ ကျွန်မရဲ့ အိမ်ထောင်သည်ဘ၀ကို အချိန်အတော်ကြာအောင် ကျွန်မကို ပံ့ပိုးပေးခဲ့တဲ့၊ ကျွန်မရဲ့ ချို့ယွင်းချက်တွေကိုတောင် ဖုံးကွယ်ထားခဲ့တဲ့၊ သူနဲ့ ကျွန်မရဲ့ အိမ်ထောင်သည်ဘဝကို စတင်တော့မှာပါ။
ထုတ်ဖော်ပြောဖို့ စောလွန်းနေသေးတယ်လို့ ထင်တာကြောင့် အခုမှ ပြောပြခဲ့ရတာပါ။ ကျွန်မတို့နှစ်ယောက်ရဲ့ ဘဝထဲကိုလည်း အဖိုးတန်တဲ့ ဘဝတစ်ခု ရောက်လာခဲ့ပါပြီ။ မိသားစုသစ်လေးရောက်လာခဲ့ပြီးရင်လည်း အကောင်းဆုံး ဖျော်ဖြေမှုတွေနဲ့အတူ ပရိသတ်တွေဆီကို ပြန်လာခဲ့ပါမယ်” ဆိုပြီး သူမရဲ့ Instagram မှာ ရေးသားထားတာပဲ ဖြစ်ပါတယ်။
Source : ssinz7's IG Acc