စာဖတ်သူ ချစ်ပရိတ်သတ်တွေတိုင်းလိုလိုရဲ့ အသည်းစွဲ ဖြစ်ပြီး အရမ်းကိုတော်ပြီးထူးချွန်လွန်းလှတဲ့ အမျိုးသမီး ကလောင်ရှင် လို့ဆိုလာရင်တော့ စာရေးဆရာမ နုနုရည်(အင်းဝ) ကိုပဲဖော်ပြရမှာဖြစ်ပါတယ်။
ဆရာမ နုနုရည်(အင်းဝ) ဟာ ပြုံး၍လည်းကန်တော့ခံမူပါ ရယ်၍လည်းကန်တော့ခံမူပါ ၊ ခေါင်းမော့လိုက်တော့ မင်း ခေါင်းငုံ့လိုက်တော့ သူ ၊ နမ်းမှာလားမောင်ရဲ့မွှေးတယ်ရှင် အစရှိတဲ့ ဝတ္ထုတွေနဲ့ ပရိတ်သတ်တွေရဲ့အချစ်ကို သိမ်းပိုက်ခံယူထားတဲ့ အနုပညာရှင်တစ်ဦးဖြစ်ပါတယ်။
ဆရာမ နုနုရည်(အင်းဝ) ဟာ ဒီကနေ့မှာ အသက်(၆၅)နှစ်ပြည့်သွားပြီဖြစ်ပါတယ်။ ဆရာမ ဟာ ဒီကနေ့ ကျရောက်လာတဲ့မွေးနေ့အတွက် ခဲဖွယ်ဘော်ဇဥ် နှင့် ဝတ္ထုငွေများလှူဒါန်းခဲ့ပြီး သူမနေထိုင်ရာ အိမ်ယာဝန်းအတွင်းရှိ ဝန်ထမ်းများအား ထမင်းဘူးများ ၊ သူမ နေထိုင်ရာ မရမ်းကုန်းမြို့နယ်အတွင်းက ခြေဗလာနဲ့ကလေးများအတွက် ထမင်းဘူးများနှင့် ဖိနပ်များအား စာဖတ်ပရိတ်သတ်များနှင့်စုပေါင်းကာ လှူဒါန်းခဲ့တယ်လို့ဆိုလာပါတယ်။ ဆရာမတစ်ယောက် မွေးနေ့မှစနောင်နှစ်ပေါင်းများစွာ စိတ်ချမ်းသာကိုယ်ကျန်းမာနဲ့ ပျော်ရွှင်နိုင်ပါစေလို့ဆုတောင်းပေးလိုက်ရပါတယ်။