ပြီးခဲ့တဲ့ရက်ပိုင်းက ပိုလန်လေယာဥ်မှူးတစ်ယောက်ဟာ ယူကရိန်း-ရုရှားစစ်ပွဲနဲ့ပတ်သက်တဲ့ Message တစ်ခုကိုလှလှပပပြသခဲ့ပါတယ်။Tecnam P2008 JC လေယာဥ်လေးကိုမောင်းနှင်ခဲ့တဲ့ ပိုင်းလော့က လေယာဥ်မောင်းစကေးကိုပြသရင်း ကောင်းကင်ပေါ်မှာစာရေးခဲ့တာပါ။
သူရေးခဲ့တဲ့စာလေးကလည်း ခပ်ဆန်းဆန်းပါပဲ။ “Make Beer,Not War” ပါတဲ့၊နောက်မှာအသဲပုံလေးတောင်ထည့်ပေးထားပါသေးတယ်။စစ်မတိုက်ပဲ ဘီယာတွေပဲချက်ကြပါဆိုတဲ့အဓိပ္ပါယ်ပါ။ထုတ်ပြောထားတာတော့မရှိပေမဲ့ လက်ရှိဖြစ်နေတဲ့ရုရှား-ယူကရိန်းစစ်ပွဲကိုရည်ရွယ်တာကတော့သေချာပါတယ်။ရုရှားကိုရည်ရွယ်တာဆိုရင်တော့ ဘီယာချက်လို့မပြောပဲ ဗော်ကာလုပ်လို့ပြောရင်ပိုမှန်မှာပါ။
ပိုင်းလော့ဟာ ဒီစာကိုရေးသားဖို့ကောင်းကင်ပေါ်မှာ လေးနာရီလောက်ပျံသန်းခဲ့ရပြီး စာလုံးကိုရေးဆွဲဖို့တော့ နှစ်နာရီခွဲလောက်အချိန်ယူခဲ့ရပါတယ်တဲ့။Raderflight ဝက်ဆိုဒ်ရဲ့ဖမ်းယူရရှိချက်အရ လေယာဥ်ဟာ အမြင့်ပေ ၄၀၀၀ ကျော်မှာ တစ်နာရီကို ၁၄၂ မီတာနှုန်းနဲ့ပျံသန်းနေခဲ့တာပါ။ပိုင်းလော့ဘယ်သူလဲဆိုတာကိုတော့ မသိရပေမဲ့ စာလုံးပုံစံတွေဟာ အချိုးအစားကျလွန်းလို့ တော်တော်လေးစကေးမြင့်တဲ့ ပိုင်းလော့ဆိုတာတော့ခန့်မှန်းကြည့်နိုင်ပါတယ်။
ဒီစာကိုပိုလန်နိုင်ငံအနောက်ပိုင်းနား ကောင်းကင်ပေါ်မှာရေးဆွဲခဲ့တာပါ။ယူကရိန်းကပိုလန်ရဲ့အရှေ့ဖက်မှာရှိနေတာဖြစ်တဲ့အတွက် ဆန့်ကျင်ဖက်ဖြစ်နေပေမဲ့လည်း အဓိကသူပေးချင်တဲ့ Message ကတော့တစ်ကမ္ဘာလုံးကိုပျံ့နှံ့သွားခဲ့ယုံတင်မကပဲ Make Beer,Not War ဆိုတဲ့စကားလုံးဟာ ယူကရိန်းကျူးကျော်မှုမှာအရေးနိမ့်နေတဲ့ ရုရှားတွေကိုလှောင်ပြောင်တဲ့စကားအဖြစ်ပါ နာမည်ကြီးနေပါပြီ။
Bong I.T