ပြီးခဲ့တဲ့ မေလ ၁၄ ရက်နေ့က နယူးယောက်မြို့ Buffa
lo မှာဆိုးရွားလှတဲ့ သေနတ်ပစ်မှုတစ်ခုဖြစ်ပွားခဲ့ပါတယ်။အသက် ၁၈ နှစ်အရွယ်ရှိလူမျိုးရေးခွဲခြားတဲ့ လူဖြူသေနတ်သမားဟာ လူမည်းတွေကိုဦးတည်တိုက်ခိုက်ခဲ့တာဖြစ်ပြီး ပစ်ခတ်မှုကြောင့် ၁၀ ယောက်သေဆုံးကာ သုံးယောက်ဒဏ်ရာရရှိခဲ့ပါတယ်။
အွန်လိုင်းပေါ်မှာ jimboboiii ဆိုတဲ့အမည်နဲ့လှုပ်ရှားတဲ့ အဆိုပါသေနတ်သမားဟာ ပစ်ခတ်မှုတစ်ခုကိုလုံးကို Game Dteraming Platform တစ်ခုဖြစ်တဲ့ Twitch ပေါ်မှာ တိုက်ရိုက်ထုတ်လွှင့်ခဲ့ပြီးနောက် အဖမ်းခံခဲ့ရတာဖြစ်ပါတယ်။သေနတ်သမားဟာ ပစ်ခတ်မှုမလုပ်ခင်ကလည်း စာမျက်နှာ ၁၈၀ လောက်ထိရှိတဲ့ လူမျိုးရေးခွဲခြားမှုနဲ့ ဂျူးလူမျိုးမုန်းတီးရေး ကြေညာစာတမ်းကို အွန်လိုင်းပေါ်မှာတင်ခဲ့ပါတယ်။
ပစ်ခတ်မှုဟာ လူအဝင်အထွက်များပြီး စည်ကားတဲ့စနေနေ့ Top Friendly စူပါမားကတ်မှာ ဖြစ်ပွားခဲ့တာပါ။မျက်မြင်သက်သေတွေရဲ့ပြောစကားအရ သေနတ်သမားဟာ ကားပါကင်ထဲမှာ လူလေးယောက်ကိုပစ်သတ်ခဲ့ပြီးနောက် မားကတ်ထဲဝင်ကာ ကျန်တဲ့လူတွေကိုပါ ပစ်ခတ်ခဲ့တာဖြစ်ပါတယ်။သေဆုံးခဲ့ရသူတော်တော်များများဟာ လူမည်းတွေကြီးပါပဲ။
ပစ်ခတ်ချိန်မှာသူဟာ စစ်တပ်ယူနီဖောင်းကို အပြည့်အစုံဝတ်ဆင်ထားပြီး လက်နက်တွေလည်းတော်တော်များများပါဝင်ပါတယ်။သူကလက်နက်တွေကိုတော့ အမြဲတမ်းဝယ်ယူကိုင်ဆောင်ထားတတ်ပြီး ပစ်ခတ်မှုကိုတော့ ဇန်နဝါရီလမှ ကြံစည်ခဲ့တာဖြစ်ပါတယ်။
သူ့ရဲ့ကြေညာစာတမ်းကိုလည်း လိုင်းပေါ်မှာဖြန့်၊ပစ်ခတ်မှုကိုလည်း Discord ပေါ်မှာကြံစည်ခဲ့ပြီး ပစ်ခတ်မှုအစအဆုံးကိုလည်း Twitch ပေါ်မှာ Stream လွှင့်ခဲ့တာပါ။Twitch ကသူ့ရဲ့ Account တစ်ခုလုံးကိုပါဖြုတ်ချခဲ့ပေမဲ့ Video တွေနဲ့တချို့ Screenshot တွေကတော့လိုင်းပေါ်မှာပြန့်နှံ့သွားခဲ့ပါတယ်။သူဟာ ၂၀၂၁ ခုနှစ်တုန်းကလည်း အထက်တန်းကျောင်းကို ပစ်ခတ်မယ်လို့ ခြိမ်းခြောက်မှုတွေလုပ်ဖူးခဲ့တယ်လို့လည်း သိရပါတယ်။
အမေရိကန်နိုင်ငံမှာ အထက်တန်းကျောင်းတွင်းပစ်ခတ်မှုတွေ၊လူမျိုးရေးခွဲခြားပြီးပစ်ခတ်မှုတွေကို ခဏခဏကြုံတွေ့နေကြရပါတယ်။ခုဖြစ်ရပ်မှာ ပစ်ခတ်သူကတော့ အသက် ၁၈ နှစ်သာရှိသေးတာကြောင့်ရော၊သူ့ရဲ့ကြေညာစာတမ်းထဲက အရာတွေကအရမ်းကြောက်ဖို့ကောင်းတာကြောင့်ရော ရဲအရာရှိတွေကပါ သူဘာကြောင့်ဒီလိုလုပ်ရလဲဆိုတာ နားမလည်နိုင်ဖြစ်နေကြပါတယ်။
Bong I.T