ချစ်စရာကောင်းတဲ့ တအောင်းဒေသရဲ့ ရွှေဖီချိန် ပုံရိပ်လေး

ရွှေဖီချိန်မိုးလွတ် လက်ဖက်ညွန့်ခူးချိန်ကာလကို ရောက်ပြီဆိုရင် တအောင်း (ပလောင်) တိုင်းရင်းသားတွေ က မိမိတို့နေထိုင်ရာ ဒေသအသီးသီးကနေ လက်ဖက်ညွှန့်လေးတွေ ခူးဆွတ်ရန် ထွက်လာခဲ့ကြပါတယ်။ 

လက်ဖက်ညွှန့် ခူးချိန်မှာ မိသားစုလိုက် စိုက်ခင်းကို ထွက်လာလေ့ရှိပြီး မေမေဖြစ်သူက လက်ဖက်ညွှန့်လေးတွေ ခူးနေချိန်မှာ  သမီးအငယ်လေးကို လက်ဖက်ခြံကြားထဲမှာ ချော့သိပ်ထားပါတယ်။ အိပ်နေတဲ့အငယ်မလေးကို စောင့်ရှောက်ဖို့ အကြီးမလေးကို အစောင့်ထားထား ပါတယ်။ ။ ညီအစ်မ နှစ်ယောက်ကို အချင်းချင်း စောင့်ရှောက်ခိုင်းထားပြီး အမေဖြစ်သူက လက်ဖက်ကလေး ခူးပါတယ်။  

ကလေးငယ်လေးက အော်ငိုရင် နို့လာတိုက်မယ်။ ပြီးရင် လက်ဖက်လေး ပြန်ခူးပါတယ်။  ကလေးလေး အငိုတိတ်ရင် မိခင်ဖြစ်သူက လက်ဖက်လေးသွားပြန်ခူးပါတယ်။

တစ်ခါတစ်ရံ ကလေးလေး အငိုမတိတ် ဖြစ်နေရင် မိခင်ဖြစ်သူက ကျောလေးပိုးပြီး တေးဆိုချော့တိတ်ရင်းလက်ဖက်လေး ခူးနေပါတယ်။  ချစ်စရာကောင်းပြီး အေးချမ်းလှတဲ့ ရွှေဖိီမြေ ဓလေ့လေးက မြင်ရသူတိုင်းအဖို့စိတ်ကြည်နူးစရာကောင်းလှပါတယိ။ 

မိသားစုလိုက် လက်ဖက်ခူးနေကြတဲ့ ရွှေဖီချိန်ပုံရိပ်လေးကို အားလုံး ကြည့်လို့ရစေရန် ဝေမျှပေးလိုက်ပါတယ်။ 

Source - Mai A Naing