၂၀၂၁ နိုဝင်ဘာမှာ တောင်အာဖရိကနဲ့ ဟောင်ကောင်မှာ စတင်တွေ့ရှိခဲ့ရတဲ့ အိုမီခရွန် ကိုဗစ်မျိုးကွဲဟာ BA.1. ဖြစ်ပါတယ်။ အချိန်အနည်းငယ်ကြာတဲ့အခါ ဗီဇပြောင်းလဲမှု ဖြစ်ပြီး Stealth အိုမီခရွန်လို့ ခေါ်တဲ့ မျိုးကွဲစိတ် အသစ် ပေါ်လာခဲ့ပြန်ပါတယ်။ အဲဒီ မျိုးကွဲစိတ်ဟာ BA.2. လို့လည်း လူသိများပါတယ်။
အံ့သြစရာကောင်းတာက အခု ယူကေနိုင်ငံမှာ ကိုဗစ်ကူးစက်မှုတွေ ပြန်များနေလို့ စစ်ဆေးကြည့်တဲ့အခါ အိုမီခရွန် BA.1. နဲ့ BA.2. ပေါင်းစပ်ထားတဲ့ မျိုးကွဲစိတ် အသစ် ဖြစ်နေတာပါ။ သူ့ကို အိုမီခရွန် XE လို့ နာမည်အသစ်ပေးထားလိုက်ပါတယ်။
သူ့ရဲ့ ရောဂါလက္ခဏာတွေကို လေ့လာကြည့်တဲ့အခါ ကာကွယ်ဆေးထိုးထားတဲ့လူတွေမှာ ဖြစ်ရင် သာမန်တုပ်ကွေးလောက်ပဲ ဖြစ်တယ်လို့ သိရပါတယ်။ XE မှ မဟုတ်ပါဘူး၊ အိုမီခရွန် မိခင် မျိုးစိတ်ကတည်းက ရောဂါသိပ်မဆိုးဘူးလို့ အားလုံး သိထားကြပြီးသားပါ။
တုပ်ကွေးနဲ့ ဆင်တူတဲ့ XE အိုမီခရွန် ကူးခံရပြီဆိုရင် နှာစေး၊ နှာချေ၊ လည်ချောင်းနာ စတဲ့ လက္ခဏာတွေ အရင်ဆုံး ပြလေ့ရှိပါတယ်။ တခြားကိုဗစ်တွေနဲ့ ကွဲထွက်သွားတဲ့အချက်က သူ့မှာ ဖျားတာနဲ့ ချောင်းဆိုးတာနဲ့ စမဖြစ်ဘူးလို့ သိရပါတယ်။
Ref : https://www.independent.co.uk/news/health/omicron-xe-new-covid-variant-b2050426.html