၂၀၂၁ နိုဝင်ဘာမှာ တောင်အာဖရိက နဲ့ ဟောင်ကောင်မှာ စတင် ဖြစ်ပွားခဲ့တဲ့ အိုမီခရွန် ကိုဗစ်မျိုးကွဲဟာ တစ်ကမ္ဘာလုံးကို မွှေနေဆဲပါပဲ။ တရုတ်လို ကိုဗစ်ဇီးရိုး ပေါ်လစီ (ကိုဗစ် ကင်းစင်ပပျောက်ရေး စီမံချက်) အရ တင်းကြပ်တဲ့ စည်းကမ်းတွေချထားတဲ့ နိုင်ငံမှာတောင် အိုမီခရွန်က ပြန် ကူးစက်နေပါတယ်။
ကံကောင်းတာ တစ်ခုက ခုချိန်မှာ ကိုဗစ်ကာကွယ်ဆေးကို အများစုက ထိုးထားပြီးသား ဖြစ်နေတာပါ။ အနည်းဆုံးတော့ booster အားဖြည့်ထပ်တိုးဆေး မထိုးရင်တောင် ၂ ကြိမ်တော့ ထိုးမယ်ထင်ပါတယ်။ အိုမီခရွန်က အရမ်း ကူးစက်လွယ်တာမို့ ကာကွယ်ဆေး ၂ ကြိမ်ထိုးပြီးသားလူတွေမှာတောင် ပြန်ဖြစ်နေတယ်လို့ သိရပါတယ်။
အဲဒီလိုလူတွေမှာ ဖြစ်တဲ့အခါ ဘယ်လို ရောဂါလက္ခဏာတွေ ပြတတ်လဲဆိုတာ Independent မဂ္ဂဇင်းကြီးက ဖော်ပြထားချက်ကို ပြန်လည် တင်ဆက်ပေးလိုက်ပါတယ်။
ကာကွယ်ဆေး ထိုးပြီးသူတွေမှာ အိုမီခရွန်ကူးရင် ပထမဆုံး ပြတတ်တဲ့ လက္ခဏာ ၂ ခုကတော့ မူးဝေတာနဲ့ မောပန်းလွယ်တာပဲ ဖြစ်ပါတယ်။ ဒါက သာမန် ဖျားနာတာရယ်၊ ပင်ပန်းတဲ့အချိန်မှာ ဖြစ်တာရယ်နဲ့ သိပ်မကွာပါဘူး။
များသောအားဖြင့် တွေ့ရတတ်တဲ့ ရောဂါလက္ခဏာ ၉ ခုကတော့...
1. ချောင်းဆိုးခြင်း
2. နှာရည်ယိုခြင်း
3. မောပန်းလွယ်ခြင်း
4. လည်ချောင်းနာခြင်း
5. ခေါင်းကိုက်ခြင်း
6. ကြွက်သားနာကျင်ကိုက်ခဲခြင်း
7. ဖျားခြင်း
8. နှာချေခြင်း
9. ပျို့အန်ခြင်း တို့ ဖြစ်ပါတယ်။
တကယ်လို့ ဒီထဲက ၂ ခု လောက် တိုက်ဆိုင်နေရင်တော့ သေချာ အနားယူပြီး ကုသမှု ခံယူဖို့ တိုက်တွန်းလိုက်ပါရစေနော်။
Ref : https://www.independent.co.uk/news/health/omicron-symptoms-long-covid-incubation-period-vaccine-b2048766.html