လတ်တလောထုတ်လွှင့်ပြသနေဆဲဖြစ်တဲ့ Snowdrop ဇာတ်လမ်းတွဲ ဟာ တောင်ကိုးရီးယားနိုင်ငံရဲ့ သမိုင်းကို ထိခိုက်လာခဲ့တယ် ဆိုကာကြည့်ရှုသူအချို့က ထုတ်လွှင့်မှုဖျက်သိမ်းရန်တောင်းဆိုနေကြတာပဲဖြစ်ပါတယ်။
ဒီလိုတောင်းဆိုမှုနှင့်ပတ်သက်လို့ JTBC က ကြေငြာချက်တစ်ခုကို ထုတ်ပြန်ကြေငြာလိုက်ပြီဖြစ်ပါတယ်။ JTBC ရဲ့မူဟာ လွတ်လပ်တဲ့အတွေးအခေါ် နဲ့ ဖန်တီးမှုတွေဖြစ်တာကြောင့် ဒီမူအတိုင်းပဲ ဆက်လက်လုပ်ဆောင်သွားမှာဖြစ်တယ်လို့ ပြောကြားသွားပါတယ် ။
JTBC က " ဒီမိုကရေစီအသွင်ကူးပြောင်းရေးကို ဦးဆောင်လှုပ်ရှားနေတဲ့ သူလျှို ဆိုတာမရှိပါဘူး ။ ထုတ်လွှင့်ပြီးခဲ့တဲ့ နှစ်ပိုင်းမှာလည်း ဇာတ်ဆောင်နှစ်ယောက်ဟာ ဒီမိုကရေစီလှုပ်ရှားမှုတွေနဲ့ ဦးဆောင်ပါဝင်ပတ်သတ်နေတဲ့ ဇာတ်ကွက်တွေမပါဝင်သလို ဇာတ်ညွှန်းရဲ့ ဘယ်နေရာမှာမှလည်း ပါဝင်မှာမဟုတ်ပါဘူး။ သမိုင်းကို ပုံပျက်နှိမ့်ချတယ်ဆိုတဲ့ ထောက်ပြမှုတွေဟာ အထင်လွဲမှုသပ်သပ်သာဖြစ်ကြောင်း ဆက်လက်ပြသသွားမယ့် အပိုင်းတွေက အဖြေပေးသွားပါလိမ့်မယ် ။ သက်သေပြချင်ပေမယ့် မထုတ်လွှင့်ရသေးဘဲ ဇာတ်ကွက်တွေကို ထုတ်မပြောနိုင်လို့ စိတ်မကောင်းပါဘူး။ ဒါကြောင့် ဆက်လက်ထုတ်လွှင့်မယ့် အပိုင်းတွေကိုပဲကြည့်ရှုပေးဖို့တောင်းဆိုချင်ပါတယ်။” လို့ထုတ်ပြန်လာတာဖြစ်ပါတယ်။