ကယားပြည်နယ်အတွင်းမှာတော့ လတ်တလော တိုက်ပွဲဖြစ်ပွားမှုများ ဆက်တိုက်ရှိနေခဲ့ပြီး ယနေ့မနက်ပိုင်းမှာလည်း ဒီးမော့ဆိုမြို့နယ်၊ ဟိုဖိတ်ရွာအနီးမှာ တိုက်ပွဲများဖြစ်ပွားနေတယ်လို့ သိရပါတယ်။ ယင်းအပြင် တိုက်ပွဲများပြင်းထန်နေတဲ့ ကြားကနေ ဒေါလရှေးနှင့် ဆော်ခီးဒေါ ရွာကြားက လျှပ်စစ်ဓာတ်အားပေး တာဝါတိုင် (၂)တိုင်ဟာ ဖျက်စီးခံရကြောင်း PKPF က ထုတ်ပြန်လာခဲ့ပါတယ်။
အဆိုပါ လျှပ်စစ်ဓာတ်အားလိုင်းဟာ လောပီတ အမှတ်(၁) စက်ရုံကနေ နေပြည်တော်၊ ရန်ကုန်၊ မန္တလေးမြို့များသို့ သွယ်တန်းပြီး ဓာတ်အားပေးပို့နေတာ ဖြစ်တယ်လို့ သိရပါတယ်။ လျှပ်စစ်ဓာတ်အားပေး တာဝါတိုင် (၂)တိုင်ဟာ နိုဝင်ဘာလ (၂၅) ရက်နေ့ မနက်ပိုင်းလောက်က ကျယ်လောင်စွာ အသံထွက်ပေါ်ခဲ့ပြီး မြေပြင်ပေါ်သို့ လဲကျသွားတဲ့အထိ ဖြိုချဖျက်ဆီးခံလိုက်ရကြောင်း ကြားသိရပါတယ်။
ဓာတ်အားပေး တာဝါတိုင် (၂) ခု ဖျက်စီးခံရတာနဲ့ပတ်သက်ပြီး မည်သည့်အဖွဲ့အစည်းက လုပ်ဆောင်ခဲ့ကြောင်းကိုလည်း PKPF က ဖော်ပြထားခြင်းမရှိပါဘူး။ လျှပ်စစ် ဓာတ်အားပေး တာဝါတိုင်တွေ ဖြိုချဖျက်စီးခံရတာတွေနဲ့အတူ ယခုရက်ပိုင်းမှာ ရန်ကုန် ၊ မန္တလေးနဲ့ ဧရာဝတီတို့ရှိ မြို့နယ်များမှာလည်း မကြာခဏ မီးပြတ်တောက်မှုတွေ ဖြစ်ပေါ်နေတာ တွေ့ရပါတယ်။
သတင်း အရင်းအမြစ်៖ Source - PKPF