လက်ထပ်ပွဲအတွက် အီတလီကိုသွားနေကြပြီဖြစ်တဲ့ ထိုင်းမင်းသား Mark Prin နှင့်မင်းသမီးလေး Kimmy Kimberley

နှစ်တွေအကြာကြီးတွဲခဲ့ပြီးနောက် လက်ထပ်ဖို့စီစဥ်ခဲ့ကြတဲ့ MarkKim စုံတွဲလေးဟာမကြာသေးခင်ကမှ စေ့စပ်ပွဲကို အိမ်သစ်တက်ပွဲနှင့်အတူကျင်းပခဲ့ကြတာဖြစ်ပါတယ်။ ချင်းမိုင်ဝတ်စုံလေးတွေနှင့် Mark တို့ရဲ့စေ့စပ်ပွဲလေးဟာမီဒီယာတွေမှာ အချိန်အတော်ကြာနေရာယူခဲ့တာဖြစ်ပါတယ်။ ၁၄ ရက်နေ့မှာကျင်းပတော့မယ့် မင်္ဂလာပွဲအတွက် Mark နှင့် Kimmy ဟာအခုဆိုရင် အီတလီကိုသွားနေကြပြီပဲဖြစ်ပါတယ်။

Kimmy ရဲ့အမျိုးတွေရှိတဲ့ အီတလီမှာပထမဆုံးမင်္ဂလာပွဲကိုကျင်းပမယ့် Mark နှင့် Kimmy တို့ဟာ အီတလီသွားနေတဲ့ပုံလေးတွေကိုအင်စတာဂရမ်ကနေတစ်ဆင့်တင်လာခဲ့ပါတယ်။ Kimmy ရဲ့အရင်းနှီးဆုံးသူငယ်ချင်းဖြစ်တဲ့ Yaya အတွဲကလည်း Kimmy တို့သွားပြီးမကြာခင်မှာပဲအီတလီကိုထွက်သွားကြတာြဖစ်ပါတယ်။

MarkKim ရဲ့ရင်းနှီးတဲ့မိတ်ဆွေတွေအများစုဟာ မင်္ဂလာပွဲကိုတက်ရောက်ဖို့အီတလီကိုသွားနေကြပြီဖြစ်ပါတယ်။ Mark တို့ဟာ အီတလီမှာပထမဆုံးမင်္ဂလာပွဲကိုကျင်းပပြီးနောက်မှာ ထိုင်းနိုင်ငံဘန်ကောက်မြို့မှာလည်း ထပ်ပြီးပွဲကျင်းပကြအုံးမှာဖြစ်ပါတယ်။ ပရိတ်သတ်တွေကတော့ နှစ်ယောက်သားရဲ့မင်္ဂလာပွဲပုံလေးတွေကိုစိတ်လှုပ်ရှားစွာနှင့်စောင့်မျှော်နေကြပြီဖြစ်ပါတယ်။

Source – Kimmy Instagram

#Myanmarload #MarkKim #MarkPrin #Kimmy #Wedding #Itlay