တောင်ကိုးရီးယားနိုင်ငံရဲ့ထိပ်တန်းမင်းသမီးဖြစ်တဲ့ Gong Hyo Jin က မကြာသေးခင်က Yujeong's Dining Table ဆိုတဲ့ Youtube ချန်နယ်မှာ သူ့ရဲ့အိမ်ထောင်ကျပြီးဘဝအကြောင်းကိုပြောပြသွားခဲ့ပါတယ်။ သူမဟာ အသက် ဆယ်နှစ်ကွာတဲ့ အဆိုတော် Kevin Oh နှင့် ၂၀၂၂ အောက်တိုဘာလမှာ လက်ထပ်ထားတာဖြစ်ပါတယ်။
သူမဟာ အချစ်ကိုမယုံကြည်တတ်ဘဲ အိမ်ထောင်ပြုတာကိုမကြိုက်တဲ့ သူဖြစ်ပေမဲ့ ခင်ပွန်းဖြစ်သူ Kevin Oh နှင့်တွေ့တဲ့အချိန်မှာတော့ သူမရဲ့ခံယူချက်တွေပြောင်းလဲသွားခဲ့ကြောင်းပြောကြားခဲ့ပါတယ်။ သူမကိုယ်တိုင်က လူတွေနှင့်ဒိတ်လုပ်တဲ့နေရာမှာမတော်တာကြောင့် တစ်သက်လုံးအိမ်ထောင်ပြုဖြစ်မှာ မဟုတ်ဘူးလို့ထင်နေခဲ့မိကြောင်းပါပြောခဲ့ပါတယ်။
အခုဆိုရင်တော့ ခင်ပွန်းဖြစ်သူနှင့်အတူ ပျော်စရာကောင်းပြီးအေးချမ်းတဲ့အိမ်ထောင်သည်ဘဝကို ဖြတ်သန်းနေကြောင်း ခင်ပွန်းဖြစ်သူဟာစိတ်ထားကောင်းလွန်းတာကြောင့် သူ့ကို နတ်သားလေးဆိုတဲ့နာမည်ပြောင်လေးနှင့် ဖုန်းမှာမှတ်ထားတယ်ဆိုတဲ့အကြောင်းကိုပြောပြခဲ့ပါတယ်။ လက်ရှိမှာတော့ နှစ်ယောက်သားဟာအနုပညာလှုပ်ရှားမှုတွေပြန်လုပ်ဖို့ အစပြုနေကြတယ်လို့သိရပါတယ်။
သတင်း အရင်းအမြစ်៖ www.kdramastars.com
Bong I.T