အမျိုးသမီးအများစုဟာ ရုပ်ရည်ဆိုတာကိုသဘောကျတာထက် အမျိုးသားတစ်ယောက်ကို သူတို့ရဲ့ဆွဲဆောင်မှုကိုပဲကြည့်ပြီးသဘောကျတတ်ကြပါတယ်။ ဒါဆိုဆွဲဆောင်မှုရှိတဲ့ အမျိုးသားတစ်ယောက်ဖြစ်အောင်ဘယ်လိုတွေလုပ်ရမလဲဆိုတာကို ဖော်ပြ ပေးသွားပါမယ်။
(၁) ဦးဆောင်တတ်တဲ့အပြုအမူရှိတဲ့ အမျိုးသားတွေဟာပုံမှန်သူတွေထက်ဆွဲဆောင်မှုရှိပြီးတော့ လူကြိုက်များပါတယ်။ အမျိုးသမီးအများစုဟာ သူတို့ကိုဦးဆောင်မှုပေးနိုင်ပြီး ယုံကြည်နိုင်တဲ့သူမျိုးကိုပဲ လက်တွဲဖော်အဖြစ်ရွေးချယ်လေ့ရှိပါတယ်။
(၂) လူတွေပြောတာကို သေချာလက်ခံပေးပြီးနားထောင်ပေးတတ်တဲ့ အမျိုးသားတွေဟာစကားပြောကောင်းတဲ့လူတွေထက်ပိုပြီးဆွဲဆောင်မှုရှိပါတယ်။
(၃) ဟာသဉာဏ်ရှိတဲ့ အမျိုးသားတွေဟာလည်း ဆွဲဆောင်မှုရှိတဲ့အမျိုးသားတွေဖြစ်ပါတယ်။ တစ်ချိန်လုံး ဟာသတွေပဲထိုင်ပြောနေတာမဟုတ်ဘဲအချိန်အခါနှင့်ကိုက်ညီတဲ့ဟာသဉာဏ်ရှိတဲ့ အမျိုးသားတွေဟာအမျိုးသမီးတွေအတွက်ဆွဲဆောင်မှုအရှိဆုံးပဲဖြစ်ပါတယ်။
(၄) အားကစားတော်တဲ့ အမျိုးသားတွေကလည်း အမျိုးသမီးတွေသဘောကျတတ်တဲ့ပုံစံဖြစ်ပါတယ်။ ပုံမှန်အားဖြင့် အမျိုးသမီးတွေဟာသူတို့ကိုယ်တိုင်ကအားကစားမှာသိပ်မတော် ကြတာကြောင့် အားကစားတစ်ခုခုမှာထူးချွန်တဲ့အမျိုးသားတွေကိုဆို ပိုသဘောကျတတ်ကြပါတယ်။
(၅) အဝတ်အစားဝတ်ဆင်တာနှင့် သပ်သပ်ရပ်ရပ်ဖြစ်တဲ့အမျိုးသားတွေဟာလည်းအမျိုျိုမီးတွေသဘောကျတဲ့ပုံစံဖြစ်ပါတယ်။ စျေးကြီးတဲ့အဝတ်အစားတွေဝတ်တာကိုဆိုလိုတာမဟုတ်ဘဲ သပ်သပ်ရပ်ရပ်နှင့်ကြည့်ကောင်းအောင်ဝတ်ဆင်တတ်တဲ့ အမျိုးသားတွေကိုဆိုလိုတာဖြစ်ပါတယ်။
(၆) ရည်မွန်တဲ့အပြုအမူနှင့် သိမ်မွေ့တဲ့စိတ်ထားရှိသူတွေကလည်း အမျိုးသမီးတွေရဲ့စိတ်ကိုဖမ်းစားနိုင်တဲ့ အမျိုးသားတွေပဲဖြစ်ပါတယ်။ အတူတူရှိနေတဲ့အချိန် အလိုက်တသိရေဘူးအဖုံးဖွင့်ပေးတာ၊ ခုံနေရာရွှေ့ပေးတာလိုမျိုး အသေးအမွှားအပြုအမူလေးတွေကလည်း အမျိုးသမီးတွေအတွက်ဆွဲဆောင်မှုရှိတဲ့အချက်ပဲဖြစ်ပါတယ်။
(၇) ရိုမန့်တစ်ဆန်တတ်တဲ့ အမျိုးသားတွေကိုသဘောမကျတဲ့အမျိုးသမီးဆိုတာမရှိပါဘူး။ အမျိုးသားတွေအများစုဟာ ရိုမန့်တစ်ဆန်တဲ့ကိစ္စတွေကိုဂရုမစိုက်တတ်ကြပေမဲ့ အမှတ်တမဲ့လက်ဆောင်အသေးလေးတွေဝယ်ပေးတာမျိုး ကိုယ်ရောက်နေတဲ့နေရာရဲ့ရှုခင်းလေးတွေကို ပုံရိုက်ပို့ပေးတာမျိုးဟာ အလေးထားတဲ့ပုံပေါ်စေပါတယ်။
သတင်း အရင်းအမြစ်៖ www.realmen.com