အတိတ်ကပုံတွေကြောင့် ‌‌ဆောင်းဟေကို ကိုဝေဖန်ခဲ့ကြတဲ့ ဆိုရှယ်မီဒီယာ အသုံးပြုသူများ

တောင်ကိုရီးယားနာမည်ကျော် မင်းသမီး ဆောင်းဟေကို ဟာအောင်မြင်မှုများစွာ ရရှိထားတဲ့ မင်းသမီးဖြစ်တဲ့အလျောက် ချစ်ခင်အားပေးသူတွေရှိသလို မနာလိုမုန်းတီးတဲ့သူတွေလည်း ရှိကြတာ ဖြစ်ပါတယ်။ မကြာသေးမီက လူတစ်ယောက်က ဆောင်းဟေကို ရဲ့ ယခင်က ကျောင်းဝတ်စုံနဲ့ ဓာတ်ပုံတွေကို လူမှုကွန်ယက်မှာတင်ခဲ့ပြီး အင်တာနက်အသုံးပြုသူတွေက မကောင်းတဲ့မှတ်ချက်တွေ ပေးခဲ့ကြပါတယ်။

မကြာသေးခင်က ခင်ပွန်းဟောင်းဖြစ်တဲ့ ဆောင်းဂျွန်ကီဟာ ဗြိတိန်မင်းသမီးနဲ့ တွဲနေကြောင်း ပရိသတ်တွေကို အသိပေးခဲ့တာကြောင့် ဆောင်းဟေကို ပရိသတ်တွေဟာ သူတို့အားပေးတဲ့ မင်းသမီးအတွက် မကျေမနပ်ဖြစ်ခဲ့ကြပြီး ဆောင်းဂျွန်ကီအပေါ် ဒေါသထွက်ကာ ဝေဖန်ခဲ့ကြပါတယ်။ဒါကြောင့် ဆောင်းဂျွန်ကီရဲ့ ပရိသတ်အချို့ထဲကလည်း ဆောင်းဟေကို ကိုပြစ်တင်ဝေဖန်ခဲ့ကြပြီး နှစ်ဖက်ပရိသတ်တွေကြား အငြင်းပွားမှုတွေ ဆက်တိုက်ဖြစ်နေတာပဲ ဖြစ်ပါတယ်။

အထူးသဖြင့် ဒီဇင်ဘာ (၂၇)ရက်မှာ “ကျောင်းဝတ်စုံနဲ့ မော်ဒယ်လုပ်ဖူးတဲ့ ဆယ်ကျော်သက်အရွယ် ဆောင်းဟေကို ကို မြင်ဖူးလား” လို့ ခေါင်းစဉ်တပ်ထားတဲ့ ပို့စ်တစ်ခုကို ထုတ်ဝေခဲ့ပြီး ဓာတ်ပုံတွေဟာကျောင်းဝတ်စုံကို ဆံပင်ပုံစံအမျိုးမျိုးနဲ့ ဝတ်ဆင်ထားတဲ့ လူငယ်ဘဝက ဆောင်းဟေကိုရဲ့ ပုံတွေဖြစ်ပေမယ့် လူကြိုက်များတဲ့ပုံတွေကို မရွေးချယ်ခဲ့ဘဲ သူမကို ဝေဖန်မယ့်ပုံတွေကိုသာ ရွေးချယ်ခဲ့တာ ဖြစ်ပါတယ်။တစ်ချို့က " ဆောင်းဟေကို က ငယ်ငယ်ကတည်းက အဒေါ်နဲ့တူတယ် " လို့တောင် ပြောကြသလို တစ်ချို့ကလည်း " မင်းသမီးမျက်နှာက ကြီးလွန်းတယ်၊ပါးရိုးတွေ အရမ်းကားလွန်းတယ်၊အချိုးမပြေဘူး” လို့ ​ဝေဖန်ခဲ့ကြပါတယ်။

ဆောင်းဟေကို ပရိသတ်တစ်ချို့ကလည်း " သူမကို မုန်းတီးတဲ့အချက်က ဘာလဲ၊ ဆယ်ကျော်သက်အရွယ်မှာတောင် ယောက်ျားလေးတွေက မင်းထက် ဆောင်းဟေကို ကို ရွေးချယ်မှာ၊သူမက တကယ့်လှပတဲ့ ဂန္တဝင်မင်းသမီးပါ'' လို့ ပြန်လည်ချေပခဲ့ကြပါတယ်။တင်တဲ့သူဟာ ဘယ်သူ့ပရိသတ်ဖြစ်ပြီး ဘာကြောင့်တင်လဲ ဆိုတာတော့ ရှင်းရှင်းလင်းလင်းမသိကြသေးတာပဲ ဖြစ်ပါတယ်။

Photos: Credit

သတင်း အရင်းအမြစ်៖ Kbizoom