BTS အဖွဲ့ဝင် V ဟာဆိုရင် သူ့ရဲ့ ညဖက်အိပ်ယာဝင်ချိန်အလေ့အကျင့်တွေနဲ့ ပတ်သက်လို့ ပြောပြခဲ့ပြီး သူ့ရဲ့အဖြေတွေဟာ အာမီလေးတွေကို စိတ်ဝင်စားစေခဲ့ပါတယ်။ V ကသူအိပ်ယာမဝင်ခင်မှာ အမြဲလုပ်လေ့ရှိတဲ့ အလေ့အကျင့်တွေအနေနဲ့ သွားတိုက်တာ၊ ရေအေးအေးလေး တစ်ခွက်သောက်ပြီး ဂျယ်လီစားတာတွေပါဝင်ပါတယ်။
အဲ့ဒီနောက်မှာတော့ နှာခေါင်းအောက်နားမှာ အမွှေးဆီနဲနဲလူးပြီးတာနဲ့ သူ့ရဲ့ဖက်ခေါင်းအုံးကို ဖက်ဖို့အသင့်ဖြစ်နေပါတယ်။ “ကျနော်ကအိပ်ရင် အပေါ်ပိုင်းကို ချွတ်ပြီးအိပ်ပါတယ်။ အောက်မှာတော့ pajama (ညဝတ်) ဘောင်းဘီလေးဝတ်အိပ်ပါတယ်။ အဲ့လိုမှမဟုတ်ရင်တော့ အိပ်မပျော်ပါဘူး” ဆိုပြီး ပြောပြပါတယ်။
ဒါ့အပြင် V ဟာအနံ့မွှေးတာတွေကို သဘောကျပြီး အဲ့ဒီလိုမွှေးကြိုင်တဲ့ အနံ့တွေက သူ့ကို အိပ်ပျော်စေတယ်လို့လည်း သိရပါတယ်။ ပြီးတော့ သူ့အနေနဲ့ ညဖက်တစ်ရေးနိုးလာတဲ့ အချိန်ကျရင် မုန့်တွေစားလေ့ရှိပြီး စားနေကျမုန့်တွေကတော့ Corn dog, ကြက်ကြော် နဲ့ ငါးဖြစ်ပါတယ်။
ဒါ့အပြင်သူ့အနေနဲ့ မအိပ်ခင် ပေါ့ပေါ့ပါးပါး ဂိမ်းလေးတွေဆော့ရတာလည်း ကြိုက်နှစ်သက်ကြောင်း သိရပါတယ်။ V ရဲ့အိပ်ယာဝင်ချိန် အလေ့အထလေးတွေကို သိရတဲ့အတွက် ပရိသတ်တွေက ဝမ်းသာနေကြပြီး သူ့ရဲ့ ကောင်မလေးဖြစ်ချင်တဲ့ လူတွေကတော့ သူ့ရဲ့ အကြောင်းတွေကို သေသေချာချာလေ့လာနေကြပါတယ်။
Photos- credit
Bong I.T