မင်းသမီးချော မိုးဟေကို လို့ဆိုလိုက်ရင် သရုပ်ဆောင်ပညာရပ်မှာ ကျွမ်းကျင်ပြီး ပရိသတ်အပေါ်တာဝန်ကျေရုံသာမက မိဘနှစ်ပါးအပေါ် သိတတ်လိမ္မာပြီး မိဘအပေါ်တာဝန်ကျေတဲ့ မင်းသမီးအဖြစ်နာမည်ကျော်ကြားပါတယ်။
မိုးဟေကို ရဲ့ အသက်(၇၁)နှစ်အရွယ်ရှိ ဖခင်ဖြစ်သူ ဟာ နိုဝင်ဘာ(၂၇)ရက်နေ့ ၊ ည(၁၀း၁၅)အချိန်ခန့် က ကွယ်လွန်သွားခဲ့ပြီး ယမန်နေ့ နိုဝင်ဘာ(၂၈)ရက်နေ့ ၊ နံနက်ပိုင်း က ဈာပနအခမ်းအနားပြုလုပ်ကာ အရိုးပြာအိုးကို ရန်ကုန်မြစ်ထဲမျှောခဲ့တယ်လို့ သိရပါတယ်။
ဖခင်ကွယ်လွန်ခြင်းနဲ့ပတ်သက်လို့ မိုးဟေကိုက ဖခင်ဖြစ်သူကိုတတ်နိုင်သမျှပြုစုခွင့်ရခဲ့တာကြောင့် ကြိုးစားပြီးစိတ်ဖြေနိုင်ကြောင်း ၊ ဖခင်ဖြစ်သူရဲ့နောက်ဆုံးအချိန်ရောက်သည့်တိုင် သူမကို အားပေးကူညီခဲ့ကြတဲ့ မိတ်ဆွေအားလုံးကိုကျေးဇူးတင်ကြောင်း ၊ စာမပြန်မိရင် ခွင့်လွှတ်စေလိုကြောင်း ရေးသားဖော်ပြလာတာဖြစ်ပါတယ်။ မမိုးဟေကို ရဲ့ ဖေဖေလည်း ကောင်းရာဘုံဘဝမှာ အဆင်ပြေနေနိုင်ပါစေ ၊ မမိုးဟေကိုလည်း စိတ်အဆင်ပြေပါစေ လို့ ဆုတောင်းပေးလိုက်ရပါတယ်။