သရုပ်ဆောင်ပညာရပ်မှာ ထူးချွန်ပြောင်မြောက်တဲ့ အတွက် ပရိသတ်တွေရဲ့ ချစ်ခြင်းကိုအပြည့်သိမ်းပိုက်ထားနိုင်သူ ၊ ကြည်လဲ့လဲ့ မျက်ဝန်းလေးတွေကြောင့် ပရိသတ်ရဲ့ အချစ်ကို အပိုင်ရထားသူလေးကတော့ မင်းသမီးချော မိုးဟေကို ပါပဲ။
မင်းသမီးချော မိုးဟေကို ဟာ အသက်ကြီးပြီဖြစ်တဲ့ သူမမိဘနှစ်ပါးကို အချိန်ပေး ဂရုစိုက်ပြုစုနေရတာကြောင့် အနုပညာလှုပ်ရှားမှုတွေကို အတော်အသင့်ရပ်နားခဲ့တာကြာပါပြီ။ မိုးဟေကို ဟာ ပရိသတ်အပေါ်တာဝန်ကျေရုံသာမက မိဘနှ်ပါးအပေါ်မှာပါ တာဝန်ကျေတဲ့ သမီးကောင်းအဖြစ် နာမည်ကျော်ကြားပါတယ်။
သို့ပေမယ့် စိတ်မကောင်းစရာတစ်ခုကတော့ သရုပ်ဆောင် မိုးဟေကိုရဲ့ အသက်(၇၁)နှစ်အရွယ်ရှိ ဖခင်ဖြစ်သူ ဦကျော်မင်း ဟာ ယမန်နေ့ နိုဝင်ဘာ(၂၇) ၊ ည(၁၀း၁၅)နာရီ မှာ ကွယ်လွန်သွားခဲ့ပြီး သူ့ရဲ့ နောက်ဆုံးခရီးကို နိုဝင်ဘာလ (၂၈)ရက်နေ့ တနင်္လာနေ့ နံနက်(၁၀)နာရီမှာ ရေဝေးသုသာန် ၌ ကျန်ရစ်သူမိသားစုများက လိုက်ပါပို့ဆောင်သဂြိုလ်ခဲ့တယ်လို့သိရပါတယ်။