တေးသီချင်းများစွာကို အများနဲ့မတူ တမူထူးခြားစွာသီဆိုလေ့ရှိသူ ၊ (၈၀)ခုနှစ် နဲ့ (၉၀)ခုနှစ်ဖွား လူငယ်တွေရဲ့ အရမ်းကို သဘောကျအားပေးချစ်ခင်ရတဲ့ အနုပညာရှင်လို့ဆိုရရင်တော့ အားလုံးကချစ်ကြတဲ့ အဆိုတော် အဲလက်စ်ကိုပဲ ဖော်ပြရမှာပါ။
" သီချင်းချစ်သူ ၊ အယူခံနှလုံးသား ၊ မင်းစိတ်နဲ့ကိုယ့်ကို ၊ ပြန်ဆုံခြင်း " အစရှိတဲ့တေးသီချင်းများနဲ့ တစ်ကိုယ်တော် အောင်မြင်ခဲ့သလို (၁၉း၁၈) အဖွဲ့နဲ့လည်း " အနာဂတ်မဲ့ ၊ မြတ်နိုးခွင့် ၊ လွမ်းရယ်မပြေ " အစရှိတဲ့တေးသီချင်းများကို သီဆိုပြီး ပရိသတ်အချစ်ကို ရရှိထားခဲ့တာကလည်း ကိုပြူး လို့အများကချစ်စနိုးခေါ်ကြတဲ့ အဆိုတော် အဲလက်စ် ပါပဲ။
ဒီကနေ့ နိုဝင်ဘာ(၂၇)ရက်နေ့ကတော့ အဆိုတော် အဲလက်စ် ရဲ့ မွေးနေ့ရက်မြတ်ပဲဖြစ်ပါတယ်။ ဒီကနေ့ မွေးနေ့မှစနောင်နှစ်ပေါင်းများစွာ ပရိသတ်ရဲ့အချစ်တွေကိုဆက်လက်သိမ်းပိုက်နိုင်ပြီးတော့ တေးသီချင်းတွေဆက်လက်ဖန်တီးနိုင်ပါစေလို့ ဆုတောင်းပေးလိုက်ရပါတယ်။