ဒီနေ့မနက်အစောပိုင်းမှာ ကစားခဲ့တဲ့ ကမ္ဘာဖလား အုပ်စု(B) ရဲ့ပွဲစဥ်တစ်ပွဲအဖြစ် အင်္ဂလန်နဲ့ အမေရိကန်တို့ပွဲစဥ်ဟာ ဂိုးမရှိသရေရလဒ်နဲ့သာ ပြီးဆုံးသွားခဲ့ပြီ တစ်မှတ်စီ ခွဲယူသွားခဲ့ပါတယ်။
ဒီပွဲမှာ အမေရိကန်အသင်း ကစားပုံကောင်းမွန်ခဲ့ပြီး အင်္ဂလန်အသင်းထက် ဂိုးပေါက်ခြိမ်းခြောက်မှုကို ပိုမိုလုပ်နိုင်ခဲ့တာ တွေ့ရပါတယ်။
အမေရိကန်ဟာ ၁၉၅၀ တုန်းက အင်္ဂလန်ကို ၁-၀ ဂိုးနဲ့ နိုင်ခဲ့ပြီးတဲ့နောက် ကမ္ဘာ့ဖလားမှာ ဥရောပအသင်းတွေနဲ့တွေ့ရင် ပထမဆုံး clean sheet ရခဲ့တဲ့ပွဲလည်း ဖြစ်ပါတယ်။ အင်္ဂလန်ကလည်း ၂၀၁၀ ခုနှစ်မှာ တောင်အာဖရိကမှာ ၁-၁ သရေကျပြီးနောက် အမေရိကန်နှင့် ကမ္ဘာ့ဖလား (၃)ပွဲမှာ ပထမဆုံးအနိုင်ရဖို့ စောင့်မျှော်နေဆဲပါ။
အင်္ဂလန်အသင်းကတော့ ဒီပွဲမှာ သရေတမှတ်ရယူနိုင်ခဲ့တာကြောင့် ရမှတ် ၄ မှတ်နဲ့ အုပ်စုပထမနေရာမှာ ရှိနေပါတယ်။ အီရန်အသင်းကလည်း ဝေးလ်ကို အနိုင်ရရှိခဲ့ပြီး ရမှတ် ၃ မှတ်နဲ့ဒုတိယနေရာမှာရှိနေပါတယ်။ အမေရိကန်အသင်းကတော့ ရမှတ် ၂ မှတ်သာရရှိထားပြီး အီရန်အသင်းကို အနိုင်ကစားမှ အုပ်စုတက်ရမှာ ဖြစ်ပါတယ်။
သတင်း အရင်းအမြစ်៖ Source - CBS NEWS