ဗီယက်နမ်နိုင်ငံ ၊ Kiao Thui ခရိုင်, Nam Dinh ပြည်နယ်မှာရှိတဲ့ ကမ်းခြေတစ်ခုမှာ ပြီးခဲ့တဲ့ ရက်ပိုင်းက အားပြင်း Noru မုန်တိုင်း ဝင်ရောက်တိုက်ခတ်သွားပြီးနောက် ပင်လယ်ခရုခွံများ အစုလိုက်အပြုံလိုက် မျောပါလာပြီး ပြည့်နှက်ခဲ့ပါတယ်။
ပင်လယ်ခရုခွံများရဲ့ အထပ်က ၁၀ ကီလိုမီတာအထက်ရှိပြီး အဲ့ဒီထဲမှာ ခရုအကောင်းတွေလည်း အများအပြားပါရှိခဲ့တယ်လို့ ဆိုပါတယ်။ ကမ်းခြေအနီးနားမှာ ရှိတဲ့ ဒေသခံရွာသူရွာသားများက အဆိုပါ ခရုအကောင်းတွေကို လာရောက်ကောက်ယူကြပြီး စီးပွားဖြစ် ပြန်လည်ရောင်းချခဲ့ကြပါတယ်။
ယခုလို ကမ်းခြေမှာ ပင်လယ်ခရုများ တောင်ပုံရာပုံ သောင်တင်ခဲ့ရခြင်းမှာ မုန်တိုင်းတိုက်ခတ်ပြီး ဒီရေလှိုင်းနဲ့အတူ မျောပါလာခဲ့တာလို့ ဒေသတွင်းမီဒီယာများက ဖော်ပြခဲ့ပါတယ်။ Noru မုန်တိုင်းဒဏ်ကြောင့်လည်း ကမ်းရိုးတန်းဒေသများမှ လူပေါင်း ၃ သိန်းကျော်လောက် ညတွင်းချင်း အရေးပေါ်ပြောင်းရွှေ့ခဲ့ရပါတယ်။ မုန်တိုင်းဒဏ်ကြောင့် လူနေအိမ်အများအပြား ပျက်စီးမှုများဖြစ်ပေါ်ခဲ့ပါတယ်။
သတင်း အရင်းအမြစ်៖ Source - World Forum