ချစ်စရာကောင်းတဲ့ ရုပ်ရည်နဲ့ ကာရိုက်တာမျိုးစုံကို သရုပ်ဆောင်နိုင်တဲ့ ထိပ်တန်းမင်းသမီး Baifern Pimchanok ကို ပရိသတ်တွေတော်တော်များများ သိကြပြီးသားဖြစ်မယ်လို့ ထင်ပါတယ်။ 2022 ခုနှစ် စက်တင်ဘာလ 30 ရက်နေ့က သူမရဲ့ အသက် 30 ပြည့် မွေးနေ့လေးဖြစ်ပြီး Baifern က "Yayy၊ ငါ့မွေးနေ့ပါ။" လို့ Instagram မှာ Post လေး တင်ခဲ့ပါတယ်။
သူမဟာ မွေးနေ့ပွဲကို စောင့်မျှော်နေတဲ့ တခြားမင်းသမီးတွေနဲ့ မတူဘဲ အေးဆေးတည်ငြိမ်နေပုံရပေမယ့် Baifern ကိုတော့ ပရိတ်သတ်များစွာက သူမကို ပျော်ရွှင်ဖွယ်မွေးနေ့လေးဖြစ်ပါစေလို့ ဆုမွန်ကောင်းတောင်းထားကြပါတယ်။
ဒါ့အပြင် Baifern ရဲ့ အဖေနဲ့ အမေက သူမရဲ့ မွေးနေ့အခါသမယမှာ ဘုန်းတော်ကြီးကျောင်းမှာ လှူဒါန်းပြီး ကုသိုလ်တွေ ပြုလုပ်ပေးကာ " မင်းရဲ့ မွေးနေ့ကို ဂုဏ်ပြုပါ" ဆိုတဲ့ စာသားလေးနဲ့အတူ သမီးလေးကို ဆုမွန်ကောင်းတောင်းပေးထားတာ ဖြစ်ပါတယ်။
ပရိသတ်တွေကတော့ တစ်ကိုယ်တည်း အပျိုကြီးမမဆိုတော့ မွေးနေ့ကို မိသားစုနဲ့ ပဲ ဖြတ်သန်းရတာပေါ့ဆိုပြီး စနောက်နေကြပါတယ်။ တစ်ချို့ကလည်း ထိပ်စည်းတောင်ပြောင်းနေပြီ Single ဂုဏ်ပုဒ်ကို မစွန့်သေးဘူးလို့ လား မေးထားတဲ့ Comment တွေလည်း ရှိပါတယ်။
သတင်း အရင်းအမြစ်៖ Popular.com