ထိုင်းအခြေခံဥပဒေတရားရုံးက ပရာယွတ်ချန်အိုချာကို ထိုင်းဝန်ကြီးချုပ်အဖြစ် ပြန်လည်ခန့်အပ်လိုက်တယ်လို့ ဒေသတွင်း မီဒီယာတွေက ဖော်ပြခဲ့ပါတယ်။ ပရာယွတ်ဟာ ၎င်းရဲ့ အခန်းကဏ္ဍအတွက် သတ်မှတ်ထားတဲ့ ရှစ်နှစ်ကြာ ဖွဲ့စည်းပုံအခြေခံဥပဒေပါ ကန့်သတ်ချက်ကို မကျော်လွန်သေးကြောင်း ယနေ့မွန်းလွဲပိုင်းမှာ တရားရုံးက ဆုံးဖြတ်ခဲ့ပါတယ်။
ထိုင်းဘုရင်က စစ်တပ်ကရေးဆွဲထားတဲ့ ဖွဲ့စည်းပုံ အခြေခံဥပဒေက သတ်မှတ်ထားတဲ့ သက်တမ်းဟာ ၂၀၁၇ ခုနှစ် ဧပြီလ ၆ ရက်နေ့တွင်မှ စတင်သက်ရောက်မှု ရှိသဖြင့် ဝန်ကြီးချုပ်ရာထူးကို ဆက်လက်ထမ်းဆောင်ခွင့်ရတယ်လို့ တရားရုံးက ဆုံးဖြတ်ခဲ့ခြင်း ဖြစ်တယ်လို့ သိရပါတယ်။
ဗိုလ်ချုပ်ကြီး ပရာယွတ်ဟာ ဒီမိုကရေစီနည်းကျ ရွေးကောက်ခံအစိုးရကို ၂၀၁၄ ခုနှစ်မှာ ဆန့်ကျင်သည့် အာဏာသိမ်းပြီးနောက် ဖွဲ့စည်း ပုံအခြေခံဥပဒေကို ပြုပြင်ပြီး အရပ်သားဝန်ကြီးချုပ်အဖြစ် အုပ်ချုပ်နေသူလည်းဖြစ်ပါတယ်။ နောက်နှစ်၂၀၂၃ ခုနှစ် မေလမှာလည်း ထိုင်းနိုင်ငံရဲ့ အထွေထွေရွေးကောက်ပွဲကျင်းပဖို့ရှိပြီး ဝန်ကြီးချုပ် ပရာယွတ်လည်း ဝင်ရောက်ယှဉ်ပြိုင်ဖို့ အရည်အချင်းပြည့်မီသေးတယ်လို့လည်း မီဒီယာတွေက ဖော်ပြထားပါတယ်။
သတင်း အရင်းအမြစ်៖ Source - thethaiger
Bong I.T