ကချင်ပြည်နယ်ရှိ ရေခဲတောင်မှာ ယခုနှစ်အတွင်း သဘာဝဆေးမြစ်ဆေးဥ ရှာဖွေရင်း တောင်ကမ်းပါးကနေ မတော်တဆပြုတ်ကျမှုကြောင့် သေဆုံးသူ ၇ ဦးရှိလာပြီဖြစ်ကြောင်း သိရပါတယ်။ ပြုတ်ကျသေဆုံးသူတွေဟာ ပူတာအိုမြို့နယ်ထဲက ဆန်ဂေါင်၊ မလိခေါမ်၊ ဂျေဂျီဒီနှင့် ဂျူဗလီ စတဲ့ ကျေးရွာတွေကဖြစ်ပြီး အဲ့ဒီသေဆုံးသူတွေထဲမှာ ကိုယ်ဝန်ဆောင်အမျိုးသမီးတစ်ဦးလည်း ပါဝင်ခဲ့ပါတယ်။
ယမန်နှစ်ကလည်း ရေခဲတောင်မှာ ဆေးမြစ်ဆေးပင် ရှာဖွေသူ အယောက် ၂၀ နီးပါးလောက် မတော်တဆ ပြုတ်ကျသေဆုံးခဲ့တယ်လို့ သိရပါတယ်။ ဆေးဘက်ဝင် ဆေးမြစ် ၊ ဆေးပင် နှင့် ဆေးဥများ ရှာဖွေရောင်ဝယ်တဲ့ အလုပ်ဟာ ပူတာအိုခရိုင်အတွင်း တွင်တွင်ကျယ်ကျယ်လုပ်ကိုင်တဲ့ လုပ်ငန်းတစ်ခုလည်း ဖြစ်ပါတယ်။
သဘာဝဆေးဥတေွထဲမှာ ရေခဲဆောင်မှ ရရှိတဲ့ ဘေချီဥဟာ ပင်လယ်ရေမျက်နှာပြင် အမြင့်ပေ ၆၀၀၀ ကျော် အထက်မှာ ပေါက်ရောက်တာဖြစ်ပြီး အထူးသဖြင့် သွားလာရခက်ခဲပြီး အလွန်အန္တရာယ်များတဲ့ ချောက်ကမ်းပါးတွေမှာ ပေါက်လေ့ရှိတယ်လို့ သိရပါတယ်။ အဆိုပါ ဘေချီဥတွေကို တရုတ်ပြည်ကလူတွေ အဓိကဝယ်ယူကြပြီး အစာအိမ်ဆေးအတွက်အဓိကသုံးကြတယ်လို့ kachinwaves ရဲ့ ဖော်ပြချက်အရ သိရပါတယ်။
သတင်း အရင်းအမြစ်៖ Source: PNG & kachinwaves
Bong I.T