ဗီယက်နမ်နိုင်ငံမှာ စက်တင်ဘာ ၂၈ ရက်က တိုင်ဖွန်းနိုရူဟာ အပူပိုင်းမုန်တိုင်းငယ်အဖြစ် အားလျော့သွားပေမယ့်လည်း မိုးသည်းထန်စွာရွာသွန်းမှုကြောင့် ရေကြီးမှုနှင့် မြေပြိုမှုအန္တရာယ်များဖြစ်ပေါ်လာနိုင်ကြောင်း ဒေသခံတွေကို အစိုးရ သတိပေးထုတ်ပြန်ခဲ့ပါတယ်။
တိုင်ဖွန်းနိုရူဟာ ဗီယက်နမ်နိုင်ငံ Quang Nam ပြည်နယ်ကို လေတိုက်နှုန်း 117 ကီလိုမီတာဖြင့် ကုန်းတွင်းပိုင်းကို ဝင်ရောက်ခဲ့ကြောင်း နိုင်ငံပိုင် မီဒီယာတွေက ဖော်ပြခဲ့ပါတယ်။ မုန်တိုင်းဟာ နိုင်ငံအတွင်း အကြီးမားဆုံး ဝင်ရောက်တိုက်ခတ်နိုင်တဲ့ မုန်တိုင်းတစ်ခု ဖြစ်လာနိုင်တယ်လို့ ခန့်မှန်းပြီးနောက် လူပေါင်း ၃ သိန်း ကျော် ညတွင်းချင်း လုံခြုံတဲ့ နေရာတွေမှာ ခိုလှုံခဲ့ကြတယ်လို့ သိရပါတယ်။
အာဏာပိုင်တွေတော့ ကယ်ဆယ်ရေးလုပ်ငန်းများ ကြိုတင်ပြင်ဆင်ဖို့အတွက် စစ်သား ၄၀,၀၀၀ နှင့် ပြည်သူ့စစ်အဖွဲ့ဝင် ၂၀၀,၀၀၀ ခန့်ကို သံချပ်ကာယာဉ်များနှင့် လှေများ တပ်ဆင်ထားကြောင်း နိုင်ငံပိုင်မီဒီယာဖော်ပြခဲ့ပါတယ်။
သတင်း အရင်းအမြစ်៖ Source - CNA