ကိုရီးယားအနုပညာလောကမှာ မင်းသား,မင်းသမီးတွေ Kpop idol တွေဟာ သူတို့ရဲ့ နေ့စဉ်လူမှုဘဝတွေမှာ လွတ်လပ်စွာနေထိုင်ခွင့်မရှိကြပါဘူး။ ဒါဟာသူတို့ရဲ့ပတ်ဝန်းကျင်မှာ သူတို့ကိုအမြဲ မျက်စိဒေါက်ထောက် ကြည့်နေတဲ့ သတင်းထောက်တွေ၊ ပရိသတ်တွေနဲ့ ပါပါရာဇီတွေကြောင့်လည်းဖြစ်ပါတယ်။
ဒါပေမယ့် တခါတလေ လွတ်လွတ်လပ်လပ်နေထိုင်မိတာဖြစ်ဖြစ်၊ လုပ်ကြံပြီးသတင်းမှားလွှင့်ခံရတဲ့အခါဖြစ်ဖြစ် ဒိတ်လုပ်တဲ့သတင်းတွေထွက်လာလေ့ရှိပါတယ်။ အဲ့ဒီထဲက တချို့သတင်းတွေကတော့ တိကျတဲ့ရင်းမြစ်တွေကနေလာတတ်ပြီး မှန်ကန်နေလေ့ရှိကြကာ အချို့ကတော့နည်းပညာသုံးတဲ့ သတင်းမှားသက်သက်သာဖြစ်နေလေ့ရှိပါတယ်။
အခုဖော်ပြပေးချင်တာကတော့ Kpop လောကမှာအရှုပ်ထွေးဆုံး၊ သက်သေအခိုင်လုံဆုံးနဲ့ နာမည်အကြီးဆုံး ဒိတ်လုပ်တဲ့ သတင်းတွေဖြစ်ပါတယ်။
၁။ Taeyeon and Baekhyun
2014 ခုနှစ် ဇွန်လတုန်းက EXO အဖွဲ့ဝင် Baekyun နဲ့ Girls' Generation အဖွဲ့ဝင် Taeyeon တို့ဟာ သတင်းတွေ ထွက်ပေါ်ခဲ့ပါတယ်။ ကိုရီးယားသတင်းဝက်ဘ်ဆိုက်တစ်ခုမှာတော့သူတို့နှစ်ဦးဟာ လျှို့ဝှက်စွာနဲ့ လအတော်ကြာအောင် ချိန်းတွေ့ခဲ့ကြတယ်လို့ ဖော်ပြခဲ့ကြပါတယ်။
ပို့စ်တင်ပြီးနောက်မှာတော့ သူတို့နှစ်ယောက်ဟာ ဒိတ်လုပ်နေကြောင်းအတည်ပြုခဲ့ပြီး ပထမဆုံး SM Entertainment ရဲ့စုံတွဲဖြစ်လာခဲ့ပါတယ်။ ဒါပေမယ့် အဲ့ဒီသတင်းဟာ လူတိုင်းအတွက် အံ့အားသင့်စရာဖြစ်လာခဲ့ပြီး ပရိတ်သတ်တော်တော်များများက သူတို့စုံတွဲကို ချီးကျူးဂုဏ်ပြုကြပေမယ့် တခြားသူတွေကတော့ ဒီသတင်းကြောင့် စိတ်မကောင်းဖြစ်ပြီး ပရိသတ်တွေနဲ့ အဖွဲ့ဝင်တွေကို လျစ်လျူရှုတယ်လို့ စွပ်စွဲခဲ့ကြပါတယ်။
သူတို့နှစ်ဦးဟာ 2015 ခုနှစ်မှာ လမ်းမခွဲမှီ 1 နှစ်နှင့် 4 လကြာ တွဲခဲ့ကြပြီး လမ်းခွဲခဲ့ပြီးနောက် အကြိမ်ပေါင်းများစွာ ပြန်တွဲလာခဲ့ကြောင်း ရင်းနှီးသော သူငယ်ချင်းများဆီက သတင်းပေးပို့ချက်အရသိရပါတယ်။
၂။ Krystal and Kai
EXO အဖွဲ့ဝင် Kai နဲ့ f(x) ရဲ့ Krystal တို့ တွဲနေတယ်ဆိုတဲ့ သတင်းကို Dispatch က 2016 ခုနှစ်မှာ ထုတ်ဖော်ခဲ့ပြီး သူတို့နှစ်ယောက်ဟာ သူတို့ရဲ့ trainee လက်ထက်ကတည်းက ရင်းနှီးလာတဲ့အတွက် 2016 ခုနှစ်မှာ ကောလာဟလတွေ ထွက်ပေါ်ခဲ့တာလည်း ဖြစ်ပါတယ်။
ချိန်းတွေ့တဲ့ထွက်လာပြီး သိပ်မကြာခင်မှာပဲ SM Entertainment က ဒီသတင်းကိုအတည်ပြုတဲ့ ကြေငြာချက်တစ်ခု ထုတ်ပြန်ခဲ့ပါတယ်။
ကံကောင်းထောက်မစွာနဲ့ နှစ်ဦးဖက်စလုံးက ပရိသတ်တွေက အားပေးခဲ့ကြပြီး သူတို့စုံတွဲကိုခေါ်ဖို့ "Kaistal" လို့ နာမည်ပြောင်နဲ့တောင် ထွက်လာခဲ့ပါတယ်။ ဒါပေမယ့် ၁ နှစ်နဲ့ ၁ လအကြာ 2017 ခုနှစ် မေလ 31 ရက်နေ့မှာတော့ တရားဝင်လမ်းခွဲခဲ့ကြပါတယ်။
၃။ IU and Jang Kiha
သတင်းမထွက်မီက IU ဟာ ယခင်က အခုလိုချိန်းတွေ့မှုအရှုပ်တော်ပုံမျိုး တစ်ခါမှ မကြုံဖူးတာကြောင့် IU နဲ့ Jung Kiha တွေ့ဆုံတဲ့ပုံတွေတက်လာချိန်မှာ လူတိုင်း အံ့အားသင့်ခဲ့ကြရပါတယ်။
IU က Jung Kiha နဲ့ ပတ်သက်ပြီး သူမရဲ့ခံစားချက်တွေကို ဖွင့်ဟလာချိန်မှာတော့ ပရိသတ်တွေက သူတို့စုံတွဲကို အရမ်းအားပေးခဲ့ကြပါတယ်။ သူတို့နှစ်ယောက်ဟာ ၃ နှစ်ကျော် တွဲခဲ့ကြပြီး နောက်ဆုံးမှာတော့ ၂၀၁၇ ခုနှစ် ဇန်နဝါရီလမှာ လမ်းခွဲခဲ့ကြပါတယ်လို့သိရပါတယ်.
၄။ V and Jennie
မကြာသေးတဲ့အချိန်တွေကမှ ထွက်ရှိခဲ့တဲ့ နာမည်ကြီးကောလဟာလတစ်ခုဖြစ်ပါတယ်။ နာမည်ကြီး Kpop အဖွဲ့နှစ်ခုအဖွဲ့ဝင်တွေဖြစ်ကြတဲ့ V နဲ့ Jennie တို့ရဲ့ကားပေါ်မှာထိုင်နေတဲ့ ဓာတ်ပုံတစ်ပုံကလူမှုကွန်ယက်တွေကို လှုပ်လှုပ်ရွရွဖြစ်စေခဲ့ပြီး သူတို့နှစ်ယောက် ဒိတ်လုပ်နေတယ်ဆိုတဲ့ ယုံကြည်မှုတွေကိုတိုးလာစေခဲ့ပါတယ်။
ဂျယ်ဂျူးကျွန်းပေါ်မှာရိုက်ကူးထားတဲ့ ဓာတ်ပုံလို့ယူဆရတဲ့ ကားပေါ်မှာသူတို့နှစ်ယောက်ထိုင်နေတဲ့ပုံကို အမာခံပရိသတ်တွေကတော့ ဖြတ်ညှပ်ကပ်ပုံလိုပြောကြပေမယ့်လည်း ယုံကြည်နေတဲ့သူတေါကလည်းအများကြီးရှိနေခဲ့ပါတယ်။
ဒါပေမယ့် ထူးတန်းတာကတော့ YG ရော BigHitဘက်ကရော ဘာမှတုံပြန်ဖြေရှင်းတာတွေမလုပ်ခဲ့ပဲ သတင်းတွေဆက်ပြီးပျံ့စေခဲ့ပါတယ်။ ဒါကြောင့်သူတို့နှစ်ဦးရဲ့ ဆက်ဆံရေးကတော့ အခုချိန်ထိသတိထားစောင့်ကြည့်ခံနေရတဲ့ အရာတစ်ခုဖြစ်နေပါတယ်။
ဒါတွေကတော့ နာမည်ကြီးသတင်းတွေဖြစ်ပြီး နောက်ထပ်ဘယ်လို သတင်းတွေတက်လာမလဲဆိုတာကတော့ စောင့်ကြည့်ရဦးမှာဖြစ်ပါတယ်။
Photos-credit
Source: Koreaboo and websites