အာဖဂန်နစ္စတန်ကို သိမ်းပိုက်ခြင်း တစ်နှစ်ပြည့်နေ့မှာ တာလီဘန်များက အောင်ပွဲခံ

တာလီဘန်စစ်သွေးကြွတွေဟာ ဩဂုတ်လ ၁၅ ရက်က အာဖဂန်နစ္စတန်ကို သိမ်းပိုက်တာ တစ်နှစ်ပြည့်သွားတဲ့ အထိမ်းအမှတ်အနေဖြင့် ကဘူးလ်မြို့ရဲ့ လမ်းတွေပေါ်မှာ လက်နက်များ၊ အလံများကို ကိုင်ဆောင်ပြီး ယာဉ်တန်းများဖြင့်လှည့်လည်ကာ အောင်ပွဲခံခဲ့ကြပါတယ်။

တာလီဘန်တွေဟာ နိုင်ငံကို ပြန်လည်သိမ်းပိုက်ပြီးသည့်နှစ်က အရပ်ဘက်လူ့အဖွဲ့အစည်းမှာ အမျိုးသမီးအခွင့်အရေးနှင့် တိုးတက်မှုဆိုင်ရာ ဆယ်စုနှစ်နှစ်ခုကို ဖယ်ရှားခဲ့ပြီး အာဖဂန်နစ္စတန်ကို ကမ္ဘာ့ဇာတ်ခုံပေါ်မှာ အတုအယောင်အပယ်ခံအဖြစ် ထားခဲ့ကြတာ ဖြစ်ပါတယ်။

ဒါပေမယ့် နိုင်ငံကို တာလီဘန်တို့ သိမ်းပိုက်ပြီး အမေရိကန်ရဲ့ အရှည်ကြာဆုံးစစ်ပွဲ ပြီးဆုံးချိန်ကတည်းက အာဖဂန်နစ္စတန်မှာ အကြမ်းဖက်တာတွေ ပျောက်ကွယ်သွားခဲ့ပါတယ်။ ကုလသမဂ္ဂကကတော့ တာလီဘန်တွေသိမ်းပိုက်ထားတဲ့ တစ်နှစ်ကြာအထိ နိုင်ငံမှာ ကြီးမားတဲ့လူသားချင်းစာနာထောက်ထားမှုဆိုင်ရာ အကျပ်အတည်းကို ဆုပ်ကိုင်ထားဆဲဖြစ်ကြောင်း ပြောကြားခဲ့ပါတယ်။

Biden အစိုးရကတော့ နိုင်ငံပြင်ပမှာ သိမ်းဆည်းထားတဲ့ အာဖဂန်အစိုးရရဲ့ ပိုင်ဆိုင်မှု ဒေါ်လာဘီလီယံပေါင်းများစွာနှင့် နိုင်ငံခြားအလှူရှင်များရဲ့ တစ်နှစ်တာ ဘတ်ဂျက် လေးပုံသုံးပုံအထိ ရန်ပုံငွေအမြောက်အမြားကို ထုတ်ယူသွား ခဲ့ပါတယ်။ လက်ရှိ အာဖဂန်နစ္စတန်မှာ လူသန်း ၉၀ ကျော်ဟာ စားနပ်ရိက္ခာမလုံလောက်ခြင်း ၊ ၃၅ သန်းခန့်မှာ ဆင်းရဲတွင်းနက်ထဲကျရောက်နေခြင်း နှင့် ၆.၆ သန်းဟာ အရေးပေါ်အဆင့် အငတ်ဘေးရောက်ဖို့ ခြေတစ်လှမ်းသာ‌ ရှိတော့တယ်လို့ ဆိုကြပါတယ်။

သတင်း အရင်းအမြစ်៖ Source - cbsnews