နော်ဝေအာဏာပိုင်များက သြဂုတ်လ ၁၄ ရက်နေ့နံနက်ပိုင်း အများပြည်သူများရဲ့ အချစ်တော်ဖြစ်တဲ့ ဖျံကြီး Freya Walrus ကို သုတ်သင်လိုက်ကြောင်း နိုင်ငံတကာသတင်းတွေမှာ ဖော်ပြလာခဲ့ပါတယ်။ Freya Walrus ဟာ ကမ်းခြေကိုလာရောက်လည်ပတ်သူတွေကို ကြောက်ရွံ့ခြင်းမရှိဘဲ တရင်းတနှီးနေတာကြောင့် အားလုံးသူ့ကို စိတ်ဝင်ခဲ့ကြတဲ့ ဖျံတစ်ကောင်ပါ။ တခါတလေ စက်လှေပေါ်တွေနဲ့ တံတားပေါ်မှာ တက်အိပ်ပါတယ်။
အော်စလိုကမ်းရိုးတန်းရှိ နော်ဝေး ဆိပ်ကမ်းဧရိယာတွေမှာ သူ့ကြောင့် သင်္ဘောများစွာနစ်မြုပ်ခဲ့ပါတယ်။ ဘာကြောင့်လဲဆိုတော့ သူမရဲ့ အလေးချိန်က ၆၀၀ ကီလိုဂရမ်ကျော်လွန်နေတာကြောင့် လှေပေါ်တက်လိုက်တာနဲ့ တိမ်းမှောက်ခဲ့ရတာ ဖြစ်ပါတယ်။ နောက်ပိုင်း လှေပိုင်ရှင်များမှာ မကျေနပ်မှုတွေ ဖြစ်ပေါ်စေခဲ့ပါတယ်။ ဒါပေမယ့် လူအများက သူ့ကိုစိတ်ဝင်စားခဲ့ကြပြီး နေ့ချင်းညချင်း ကျော်ကြားလာခဲ့ပါတယ်။
Freya ဟာ လူတွေနဲ့ အရမ်းရင်းနှီးလာပြီးနောက်ပိုင်းမှာ အများပြည်သူတွေကို အန္တရာယ်ပေးလာနိုင်တာကြောင့် အာဏာပိုင်တွေက သုတ်သင်ဖို့ ယခုလို ဆုံးဖြတ်ခဲ့ကြတာ ဖြစ်ပါတယ်။ တာဝန်ရှိသူတွေကတော့ Freya ရှိတဲ့ အနီးအနားကို ချဉ်းကပ်ခြင်းမပြုလုပ်ဖို့ တားဖြစ်ဆိုင်းဘုတ်များထားရှိပေမယ့် အများပြည်သူများက လိုက်နာနိုင်ခြင်းမရှိခဲ့ဘူးလို့ဆိုပါတယ်။ ဘာကြောင့်လဲဆိုတော့ Freya ရဲ့ပုံစံက ချစ်စရာကောင်းတာဖြစ်လို့ လူတော်တော်များများရဲ့ အချစ်တော်ဖြစ်လာနေလို့ပါ။
နော်ဝေငါးလုပ်ငန်းဌာနက အရင်က Freya ကို အခြားနေရာသို့ ပြောင်းရွှေ့ရန်ကြိုးစားခဲ့ပေမယ့် ရှုပ်ထွေးတဲ့ ပြဿနာများစွာကြောင့် မအောင်မြင်ခဲ့ဘူးလို့ သိရပါတယ်။ ယခုလို အများပြည်သူတွေရဲ့ အချစ်တော်ဖြစ်တဲ့ Freya ကို သုတ်သင်လိုက်တာနဲ့ ပတ်သက်ပြီး အာဏာပိုင်တွေကို အများပြည်သူများက မေးခွန်းများစွာထုတ်ပြီး ဝေဖန်ခဲ့ကြပါတယ်။
သတင်း အရင်းအမြစ်៖ Source - World Forum