သေနတ်သမားတစ်ယောက်ဟာ သူ့ရဲ့ကားကို အမေရိကန် Capitol အဆောက်အအုံအနီးရှိ အတားအဆီးတစ်ခုဆီ မောင်းနှင်လာပြီး လေထဲကို သေနတ် ပစ်ခတ်ပြီးနောက် မိမိကိုယ်ကို ပစ်သတ်ခဲ့ကြောင်း ရဲတပ်ဖွဲ့က ပြောကြားခဲ့ပါတယ်။ ဝါရှင်တန်ဒီစီမှာ သူဟာ မော်တော်ကားပေါ်ကနေ ဆင်းလာစဉ် မီးလောင်မှုဖြစ်ပွားခဲ့တယ်လို့လည်း သိရပါတယ်။ ဒီဖြစ်စဉ်ဟာ မနက်အစောကြီး ၄ နာရီမှာ ဖြစ်ပွားခဲ့တာဖြစ်ပြီး သူကလွဲလို့ အခြားမည်သူမျှ ထိခိုက်မှုမရှိကြောင်း တာဝန်ရှိသူများက ရှင်းပြခဲ့ပါတယ်။
Capitol ရဲတပ်ဖွဲ့ရဲ့ ပြောပြချက်အရ ဒီအမျိုးသားဟာ ကွန်ဂရက်လွှတ်တော် အမတ်များကို ပစ်မှတ်ထားခြင်း မရှိကြောင်းနှင့် အရာရှိများက သူတို့ရဲ့ လက်နက်များကို ပစ်ခတ်ခဲ့ခြင်း မရှိကြောင်း သိရပါတယ်။ ရဲတွေဟာ ဒီလူရဲ့ နောက်ကြောင်းကို စုံစမ်းစစ်ဆေးလျက်ရှိကြောင်းလည်း ပြောခဲ့ပါတယ်။ ပုံထဲမှာဆိုရင် မီးလောင်ကျွမ်းသွားတဲ့ကားကို ဖယ်ရှာသွားတာ မြင်တွေ့ရမှာဖြစ်ပါတယ်။
ဒီဖြစ်ရပ်ဟာ သမ္မတဟောင်း Donald Trump ရဲ့ Mar-a-Lago အိမ်ရာကို FBI မှရှာဖွေပြီးနောက်မှာ ဖြစ်ပေါ်လာတာဖြစ်ပါတယ်။ နိုင်ငံတစ်ဝှမ်းရှိ တရားဥပဒေစိုးမိုးရေးအာဏာပိုင်များဟာလည်း အစိုးရအဆောက်အအုံများကို တိုက်ခိုက်လာနိုင်တဲ့ သတိပေးချက်များကြားမှာ ခြိမ်းခြောက်မှုများ တိုးများလာနေမှုနဲ့ ရင်ဆိုင်နေရပါတယ်။ Trump ရဲ့အမာခံ ထောက်ခံသူတစ်ယောက်ကပဲ ခုလို ပစ်ခတ်ပြီး ကိုယ့်ကိုကို သတ်သေသွားတာလားဆိုတာလည်း မသိရှိရသေးပါဘူး။
သတင်း အရင်းအမြစ်៖ Metro