တောင်ကိုရီးယားမင်းသမီး Kim Hyun Joo ကို မြန်မာပြည်မှာ လီဆောင်းဦး (သို့) ဂွီဒေါက်ဆိုပြီး လူသိများပါတယ်။ Kim Hyun Joo ဟာ ၁၉၇၇ ခုနှစ် ၊ ဧပြီလ ၂၄ ရက်နေ့မှာ မွေးဖွားခဲ့တဲ့သူဖြစ်တာကြောင့် သူမရဲ့အသက်က၄၅ နှစ်အရွယ်ရှိနေပြီပဲ ဖြစ်ပါတယ်။
Kim Hyun Joo ဟာ ၁၉၉၆ ခု နှစ်မှာ မော်ဒယ်တစ်ယောက်အဖြစ်စတင်ခဲ့တာဖြစ်ပြီး အသက် ၂၂ နှစ်အရွယ်မှာ ဇာတ်လမ်းတွဲတွေနဲ့ ရုပ်ရှင်ဇာတ်ကားတွေမှာ ပါဝင်သရုပ်ဆောင်ခဲ့ပါတယ်။
Kim Hyun-joo က အသက် ၄၀ ကျော်အရွယ်ရှိနေပြီဖြစ်တဲ့ ဝါရင့်မင်းသမီးတစ်ယောက်ဆိုပေမယ့် လက်ရှိအချိန်အထိ ချစ်သူရော ခင်ပွန်းရောမရှိသေးတဲ့သူဖြစ်ပါတယ် ။ အချစ်ရေးနဲ့ပတ်သတ်ပြီး သိုသိုသိပ်သိပ်နေထိုင်တတ်တဲ့Kim Hyun-joo ဟာ လက်ရှိအချိန်အထိ နုပျိုပြီး လှပချောမောနေတုန်းပဲ ဖြစ်ပါတယ်။
လက်တွဲဖော်မရှာတဲ့ ကိစ္စနဲ့ပတ်သတ်ပြီး အင်တာဗျူးတဲ့အခါမှာလည်း Kim Hyun-joo က လက်ထပ်တယ်ဆိုတာသူ့အတွက် တားမြစ်ထားတဲ့အရာတစ်ခုလိုဖြစ်နေကြောင်း ဒါပေမယ့် လည်း တစ်ခါတစ်လေမှာတော့ သူမဘေးနားမှာ တစ်ယောက်ယောက်ရှိစေချင်ကြောင်း အနားမှာ တစ်စုံတစ်ယောက်ရှိမယ် ဆိုရင်လည်း မွန်းကြပ်သလိုကြီးခံစားရမှာဖြစ်ကြောင်း ဖြေဆိုခဲ့ဖူးပါတယ်။
Kim Hyun-joo ကနာမည်ကြီးပြီး အောင်မြင်မှုရရှိနေတဲ့ မင်းသမီးတွေထဲမှာ လက်မထပ်ရသေးတဲ့ ရှားမှရှားမင်းသမီးတစ်ယောက်ဖြစ်ပါတယ်။ ပရိသတ်တွေသဲသဲလှုပ်အားပေးခဲ့ရတဲ့ တစ်ချိန်က မင်းသမီးချော လီဆောင်းဦး (သို့) ဂွီဒေါက်ရဲ့ အကြောင်းလေးကို ပရိသတ်ကြီးအတွက် ဖော်ပြပေးလိုက်ပါတယ်။
