အောက်ဆီဂျင်အတွက် အလှူငွေတွေ လှူဒါန်းပြီး ပြည်သူတွေအတွက် အားဖြည့်ကူညီခဲ့တဲ့ စိုးပြည့်သဇင်

လက်ရှိအခြေအနေတွေမှာ အောက်ဆီဂျင် ရှားပါးပြတ်လပ်မှုကြောင့် လူအများသေဆုံးနေကြရပြီး ပြည်သူတွေက အချင်းချင်း ဖေးမကူညီနေကြတာ ဖြစ်ပါတယ်..။

အောက်ဆီဂျင်အိုးတွေကို အဆမတန်ဈေးတင်ပြီး ရောင်းချမှုတွေအပြင် လိမ်လည်နေတဲ့လူတချို့ရဲ့ စာနာစိတ်ကင်းမဲ့မှုတွေကြောင့်လည်း ဒုက္ခရောက်ရတာတွေ ရှိနေတာတွေ့ရပါတယ်..။

သရုပ်ဆောင်မင်းသမီး စိုးပြည့်သဇင်ကတော့ လတ်တလောမှာ သူမအနေနဲ့ တတ်နိုင်တဲ့ဘက်ကနေ ပြည်သူတွေအတွက် လှူဒါန်းမှုတွေ ပြုလုပ်နေသူပဲ ဖြစ်ပါတယ်..။

အောက်ဆီဂျင်အတွက် အလှူငွေ (၁၁)သိန်းကို ပရိသတ်တွေနဲ့အတူ စုပေါင်းပြီး ခိုင်နှင်းဝေရင်ခွင်ရိပ်မြုံဂေဟာမှာ လှူဒါန်းခဲ့တာ ဖြစ်ပါတယ်..။

"ဤကုသိုလ်ကောင်းမှုသည်မြန်မာပြည်သူပြည်သားများရောဂါကပ်ဆိုးဘေးမှလွတ်မြောက်စေသော အထောက်အပံ့ဖြစ်ရပါစေ…???" ဆိုပြီး ဆုတောင်းစကားဆိုထားတာ ဖြစ်ပါတယ်..။

လိုအပ်နေတဲ့အချိန်မှာ Fan တွေနဲ့အတူ အများပြည်သူအတွက် လှူဒါန်းမှုတွေပြုလုပ်ပေးနေတဲ့ စိုးပြည့်သဇင်ရဲ့ ကောင်းမှုကုသိုလ်လေးတွေကတော့ တကယ်ကို သာဓုခေါ်စရာကောင်းလွန်းပါတယ်..။

သတင်း အရင်းအမြစ်៖ Soe Pyae Thazin's Fb Acc