မင်းသားဂျောင်ဟေးအင်နှင့် ဂျီဆိုးတို့ဟာ ဂျီဆိုးရဲ့ပွဲဦးထွက်ဒရာမာဖြစ်တဲ့ Snowdrop မှာခေါင်းဆောင်မင်းသားမင်းသမီးတွေအဖြစ်ပါဝင်ခဲ့တဲ့သူတွေဖြစ်ပါတယ်။ နှစ်ယောက်သားဟာ ဒရာမာအတွင်းမှာ လိုက်ဖက်ညီလွန်းတဲ့ ပုံရိပ်တွေကိုပြသခဲ့ကြတဲ့အပြင် ပြင်ပဘဝမှာပါ တစ်ယောက်နှင့်တစ်ယောက်ရင်းရင်းနှီးနှီးနေကြတာဖြစ်ပါတယ်။
ဇာတ်ကားရိုက်ကူးပြီးသွားတဲ့အချိန်မှာ ဂျီဆိုးရဲ့ဖျော်ဖြေပွဲကို ဟေးအင်ကိုယ်တိုင်လာရောက်အားပေးခဲ့တဲ့အပြင် ဆိုရှယ်မီဒီယာမှာပါ အချင်းချင်းအမြဲတမ်းအဆက်အဆံရှိနေတာပါ။ မကြာသေးခင်က ဂျီဆိုးရဲ့ဒိတ်တင်းသတင်းနှင့်ပတ်သက်ပြီးတော့တောင် ပျော်ရွှင်ကြဖို့ဟေးအင်ကိုယ်တိုင်က အင်တာဗျုးတစ်ခုမှာ ဆုတောင်းပေးခဲ့ပါသေးတယ်။
ဂျီဆိုးလည်း ချစ်သူဖြစ်သူ အန်ဘိုဟျွန်းနှင့် လမ်းခွဲလိုက်ပြီးနောက် အခုချိန်မှာတော့ တစ်ကိုယ်တော်ပြန်ဖြစ်နေတာပါ။ ဟေးအင်က ဂျီဆိုးလက်ရှိရိုက်ကူးနေတဲ့ Influenza ဆိုတဲ့ဒရာမာရိုက်ကွင်းကို ကော်ဖီကားပို့ပေးခဲ့ပြီး ကျန်းမာရေးဂရုစိုက်ဖို့နှင့် သူအားပေးနေကြောင်းစာလေးပါပို့ပေးထားတာဖြစ်ပါတယ်။ ဒီပုံတွေကို ဂျီဆိုးကလည်းသူ့ရဲ့အင်စတာဂရမ်ကနေတစ်ဆင့်ပြန်တင်ပြီး ကျေးဇူးတင်ကြောင်းပြပေးခဲ့ပါတယ်။
Bong I.T