မီးပုံးငါးလို့ခေါ်ကြတဲ့ ဒီငါးကြီးတွေဟာ နာမည်အတိုင်းပဲ ခေါင်းမှာမီးလုံးပုံစံပါရှိကြပါတယ်။ ယင်းငါးတွေဟာ နေရောင်ခြည်မထိုးဖောက်နိုင်တဲ့ သမုဒ္ဒရာကြမ်းပြင်ရဲ့ အနက်ဆုံးပေ ၁၉၀၀၀ ကျော်လောက်မှာသာ နေထိုင်ကျက်စားကြပါတယ်။ အလင်းရောင်မရှိတာကြောင့် အစာရှာရာမှာ အဆင်မပြေနိုင်တဲ့ မီးပုံးငါးတွေဟာ ပတ်ဝန်းကျင်နဲ့လိုက်လျောညီထွေဖြစ်ဖို့ ကြိုးစားကြရပါတော့တယ်။ သူတို့တွေဟာ မျက်လုံးမမြင်နိုင်ကြပါဘူး။
ဒါပေမယ့် သာမန်မျက်လုံးထက် အဆ ၁၀၀ ပိုမိုအာရုံခံနိုင်တဲ့ မီးလုံးပုံစံ ပရိုတင်းဓါတ်ပါဝင်တဲ့ အတံရှည်တွေကြောင့် သားကောင်ကို လျင်မြန်စွာပိုမိုဖမ်းဆီးနိုင်ကြပါတယ်။ ဒါကြောင့် သူတို့ကို မီးပုံးငါးလို့ခေါ်ကြတာဖြစ်ပြီး ယင်းငါးကြီးတွေဟာ ပုံပန်းအသွင်အပြင်အရလည်း အင်မတန်ကြောက်စရာကောင်းပြီး အော်ဂလီဆန်စရာ အရေအပြားအရောင်တွေနဲ့ ဖြစ်ပါတယ်။
ပင်လယ်ကြမ်းပြင်အောက်မှာ ရောနှောပြီး ပုန်းကွယ်နေတတ်တဲ့ ရှက်တတ်တဲ့ ငါးကြီးတွေပါပဲ။ မွေးဖွားစမှာတော့ ပင်လယ်ရေတိမ်ပိုင်းမှာပဲ ပေါက်ဖွားကြတာဖြစ်ပြီး အသက်အရွယ်ကြီးရင့်လာတာနဲ့အမျှ ရေအောက်ကို နစ်မြှုပ်သွားကြတာဖြစ်ပါတယ်။ သက်တမ်းရင့်သတ္တဝါမျိုးစိတ်တွေထဲမှာလည်း အပါအဝင်ဖြစ်ပြီး ယနေ့ခေတ်မှာ တွေ့နိုင်ဖို့ရာ အင်မတန်ခက်ခဲနေပြီဖြစ်ပါတယ်။